ഇലക്ട്രിക് ഓട്ടോകള് സര്വ്വീസ് നടത്തുന്നതിനെതിരെ പ്രതിഷേധം ശക്തം
കോഴിക്കോട്: ഇലക്ട്രിക് ഓട്ടോകള് നഗരത്തില് സര്വ്വീസ് നടത്തുന്നതിനെതിരെ ഒരു വിഭാഗം തൊഴിലാളികള് പ്രതിഷേധവുമായി രംഗത്തിറങ്ങിയത് കെ.എസ്.ആര്.ടി.സി സ്റ്റാന്ഡിന് മുന്നില് സംഘര്ഷത്തിന് കാരണമായി.
രോഗികളുള്പ്പെടെ യാത്രക്കാര് പ്രതിഷേധത്തിനിടയില് പെട്ടു. ഇലക്ട്രിക് ഓട്ടോക്കാര്ക്ക് സംരക്ഷണം നല്കാനുള്ള പൊലീസ് ശ്രമം പരാജയപ്പെട്ടു. രാവിലെ പത്തരയോടെ തുടങ്ങിയ സമരം ഉച്ചക്ക് രണ്ടു മണി വരെ നീണ്ടു.
പ്രതിഷേധത്തെ തുടര്ന്ന് വിവിധ ഓട്ടോതൊഴിലാളി യൂനിയന് പ്രതിനിധികളുമായി ട്രാഫിക് അസി. കമീഷണര് ബിജുരാജ് ചര്ച്ച നടത്തി. നിലവില് നഗരത്തില് നടത്തുന്ന സാധാരണ ഓട്ടോകള്ക്ക് അനുവദിച്ച പോലെ സി.സി പെര്മിറ്റുകള് അനുവദിക്കാന് തീരുമാനമായി.
ജനുവരി പത്തിനകം ഇതിനുള്ള നടപടികള് പൂര്ത്തിയാവും. അതു കഴിഞ്ഞ് നഗരത്തില് മറ്റു ഓട്ടോകളോടൊപ്പം സര്വിസ് നടത്താന് അനുവദിക്കുമെന്ന ഉറപ്പില് തല്ക്കാലം പ്രശ്നം അവസാനിച്ചു.
ഇലക്ട്രിക് ഓട്ടോകളെ ലൈനില് പാര്ക്ക് ചെയ്ത് സര്വിസ് നടത്താന് അനുവദിക്കില്ലെന്ന നിലപാടിലാണ് എ.ഐ.ടി.യു.സി ,ഐ.എന്.ടി.യു.സി, എസ്.ടി.യു, ബി.എം.എസ് തുടങ്ങിയ സംഘടനകള് പ്രതിഷേധവുമായി രംഗത്തിറങ്ങിയത്. സംഘര്ഷത്തിനിടയില് നടക്കാവ് സി.ഐ ബിശ്വാസിെന്റ കാലില് ഓട്ടോ കയറി.
പ്രതിഷേധത്തിെന്റ ഭാഗമായി മാവൂര് റോഡില് ഇരുവശവും ഓട്ടോകള് നിര്ത്തിയിട്ടു. രണ്ടു തവണ തൊഴിലാളികള് നഗരത്തില് പ്രകടനം നടത്തി. സര്ക്കാറിെന്റ അംഗീകാരമുള്ള ഇലക്ട്രിക് ഓട്ടോകളെ തടയാനാവില്ലെന്ന നിലപാടിലായിരുന്നു പൊലീസ്.
പല തവണ ഇലക്ട്രിക് ഓട്ടോകള് നഗരത്തില് സര്വിസ് നടത്താന് ശ്രമം നടത്തിയെങ്കിലും പ്രതിഷേധത്തെ തുടര്ന്ന് പിന്മാറേണ്ടി വരുകയായിരുന്നു. കഴിഞ്ഞ മാസം പൊലീസുമായി ഉണ്ടാക്കിയ ധാരണയെ തുടര്ന്നാണ് തിങ്കളാഴ്ച ഇലക്ട്രിക് ഓട്ടോകള് വീണ്ടും നഗരത്തില് സര്വിസ് നടത്താന് എത്തിയത്. എഴുപതോളം ഓട്ടോകളാണ് ഈ വിഭാഗത്തില് ഉള്ളത്.