തൃശ്ശൂര് മുണ്ടത്തിക്കോട് സ്ഫോടനത്തില് മരിച്ചവരുടെ കുടുംബത്തിന് 14 ലക്ഷം രൂപ പ്രഖ്യാപിച്ച് സംസ്ഥാന സര്ക്കാര്
.
തൃശ്ശൂര്: മുണ്ടത്തിക്കോട് സ്ഫോടനത്തില് മരിച്ചവരുടെ കുടുംബത്തിന് 14 ലക്ഷം രൂപ പ്രഖ്യാപിച്ച് സംസ്ഥാന സര്ക്കാര്. സിഎംഡിആര്എഫില് നിന്നും 10 ലക്ഷം രൂപ വീതവും എസ്ഡിആര്എഫില് നിന്നും 4 ലക്ഷം രൂപ വീതവും നല്കാനാണ് തീരുമാനം. പരിക്കേറ്റവര്ക്ക് രണ്ട് ലക്ഷം രൂപ വീതം നല്കും. ദുരന്തത്തില് ജുഡീഷ്യല് അന്വേഷണം പ്രഖ്യാപിച്ചു. പരിക്കേറ്റവര്ക്ക് സൗജന്യ ചികിത്സ ഉറപ്പാക്കുമെന്നും മന്ത്രിസഭാ യോഗത്തില് തീരുമാനമായി. ദുരന്തം സംബന്ധിച്ച് 9 മൃതദേഹങ്ങളാണ് മോര്ച്ചറിയിലുള്ളത്. ആറ് മൃതദേഹങ്ങള് തിരിച്ചറിഞ്ഞു.
പൂരം നടത്തിപ്പ് സംബന്ധിച്ച തീരുമാനം നാളെ ചേരുന്ന അവലോകന യോഗത്തില് ചര്ച്ച ചെയ്യുമെന്ന് ദേവസ്വം മന്ത്രി വി എന് വാസവന് പറഞ്ഞു. തിരുവമ്പാടി, പാറമേക്കാവ് ദേവസ്വം ഭാരവാഹികളും ജില്ലാ ഭാരവാഹികളും ഉദ്യോഗസ്ഥരും ചേര്ന്ന അവലോകന യോഗം നാളെ രാവിലെ 10.30ന് ചേരുമെന്നും ഇതിനായി ഹൈക്കോടതി അനുമതി നല്കിയെന്നും വി എന് വാസവന് പറഞ്ഞു. പൂരം നടത്തിപ്പ് സംബന്ധിച്ച് അവസാന തീരുമാനത്തിലേക്ക് എത്തിയിട്ടില്ല. ദേവസ്വങ്ങളുമായി കൂടിയാലോചന നടത്തിയ ശേഷമായിരിക്കും തീരുമാനം എന്നും അദ്ദേഹം പറഞ്ഞു. പരിക്കേറ്റവര്ക്ക് വിദഗ്ധ ചികിത്സ ലഭ്യമാക്കുകയാണ്. 10 പേര് ഐസിയുവിലവാണ്. 3 പേരുടെ നില ഗുരുതരമാണ്.
