താഴത്തയിൽ ശ്രീ ഭദ്രകാളി കണ്ടത്ത് രാമൻ ക്ഷേത്രത്തിൽ നവരാത്രി ദിനാഘോഷ പരിപാടികൾ സെപ്റ്റംബർ 22ന് ആരംഭിക്കും
കുറുവങ്ങാട്: താഴത്തയിൽ ശ്രീ ഭദ്രകാളി കണ്ടത്ത് രാമൻ ക്ഷേത്രത്തിൽ നവരാത്രി ദിനാഘോഷ പരിപാടികൾ സെപ്റ്റംബർ 22ന് (തിങ്കളാഴ്ച) ആരംഭിക്കും. ഇത്തവണ പതിനൊന്ന് ദിനരാത്രങ്ങൾ നീണ്ടുനിൽക്കുന്ന ചടങ്ങുകൾക്ക് ഒക്ടോബർ 2 വ്യാഴാഴ്ച സമാപനം കുറിക്കും.
ക്ഷേത്രത്തിൽ നവരാത്രി ആരംഭം മുതൽ വിശേഷാൽ പൂജകൾ ഉണ്ടായിരിക്കും. വാഹന പൂജ, ആയുധ പൂജ, ഗ്രന്ഥ പൂജ, സരസ്വതി പൂജ, വിദ്യാരംഭം കുറിക്കുന്നതിനുള്ള സൗകര്യം എന്നിവ ഒരുക്കും. 2025 ഒക്ടോബർ 2 -ാം തീയതി വ്യാഴാഴ്ച രാവിലെ 8 മണി മുതൽ ക്ഷേത്രം മേൽശാന്തി നാരായണൻ മൂസത് കുട്ടികളെ ആദ്യാക്ഷരം കുറിപ്പിക്കുന്നു.
