മലപ്പുറത്തെ പോളിങ് ശതമാനം കുറഞ്ഞതില്‍ മുസ്ലിം ലീഗിന് ആശങ്ക

മലപ്പുറത്തെ പോളിങ് ശതമാനം കുറഞ്ഞതില്‍ മുസ്ലിം ലീഗിന് ആശങ്ക. പോളിങ് കുറഞ്ഞതില്‍ ഇലക്ഷന്‍ കമ്മിഷന്‍ മറുപടി പറയണമെന്ന് സംസ്ഥാന ജനറല്‍ സെക്രട്ടറി പിഎംഎ സലാം. ആളുകള്‍ വോട്ട് ചെയ്യാതെ മടങ്ങുന്ന സാഹചര്യമുണ്ടായെന്ന് ഇ ടി മുഹമ്മദ് ബഷീറും പ്രതികരിച്ചു. മലപ്പുറത്ത് 72.90 % പോളിങ്. 2019-ല്‍ 75.37% ആയിരുന്നു. പൊന്നാനിയില്‍ 69.04% പേരാണ് വോട്ടുചെയ്തത്. 2019- 74.98% ആയിരുന്നു പോളിങ്. കോണ്‍ഗ്രസ് കേന്ദ്രങ്ങില്‍ യുഡിഎഫ് വോട്ട് കുറഞ്ഞുവെന്നാണ് മുസ്ലിം ലീഗ് സംശയിയ്ക്കുന്നത്.

സമസ്തയുമായുള്ള തര്‍ക്കവും വിനയായെന്നു കരുതുന്നു. പോളിങ് കുറഞ്ഞതില്‍ തിരഞ്ഞെടുപ്പു കമ്മിഷന്‍ മറുപടി പറയണമെന്ന് പിഎംഎ സലാം പറഞ്ഞു. പലരും വോട്ട് ചെയ്യാതെ മടങ്ങുന്ന സാഹചര്യമുണ്ടായെന്ന് ഇ ടി മുഹമ്മദ് ബഷീര്‍ പറഞ്ഞു. എന്നാല്‍ എസ്ഡിപിഐ വോട്ട് രക്ഷയാകുമെന്നാണ് മുസ്ലിം ലീഗിന്റെ വിലയിരുത്തല്‍. 2021 ഉപതിരഞ്ഞെടുപ്പില്‍ മലപ്പുറത്ത് 46758 വോട്ടും 2019 ല്‍ പൊന്നാനിയില്‍ 18124 വോട്ടും എസ്ഡിപിഐയ്ക്കുണ്ടായിരുന്നു.