കൊരയങ്ങാട് കലാക്ഷേത്രo വായനശാല ഉൽഘാടനം കെ.ദാസൻ എം.എൽ.എ.നിർവ്വഹിച്ചു

കൊയിലാണ്ടി: കൊരയങ്ങാട് കലാക്ഷേത്രത്തിന്റെ ആഭിമുഖ്യത്തിൽ ആരംഭിക്കുന്ന ഗ്രന്ഥാലയത്തിന്റെയും വായനശാലയുടെയും ഉൽഘാടനം കെ.ദാസൻ എം.എൽ.എ.നിർവ്വഹിച്ചു. കേന്ദ്ര സാഹിത്യ അക്കാദമി അവാർഡ് ജേതാവ് സുഭാഷ് ചന്ദ്രൻ മുഖ്യപ്രഭാഷണം നടത്തി. വായനശാലകൾ മനുഷ്യന്റെ വ്യക്തിത്വ രൂപീകരണത്തിൽ മുഖ്യപങ്ക് വഹിച്ചിരുന്നതായി അദ്ദേഹം പറഞ്ഞു. ഇന്റെർനെറ്റിന്റെ യുഗത്തിൽ വായനശാലകൾ ഉയർന്നു വരേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു.  പി.കെ.സജീവ് അദ്ധ്യക്ഷത വഹിച്ചു. 45 വർഷമായി കൊയിലാണ്ടിയിലെ ശിശു രോഗവിദഗ്ദനായി പ്രവർത്തിക്കുന്ന മുൻ ഇന്ത്യൻ കരസേന ക്യാപ്റ്റനായിരുന്ന ഡോ: കെ.ഗോപിനാഥിനെ സുഭാഷ് ചന്ദ്രൻ പൊന്നാട ചാർത്തി ആദരിച്ചു. കവി മേലൂർ വാസുദേവൻ, ലൈബ്രറി കൗൺസിൽ താലൂക്ക് സെക്രട്ടറി പി.വേണു , ഷീബാ സതീശൻ,  വിനോദ് നന്ദനം, പാലക്കാട് പ്രേംരാജ് തുടങ്ങിയവർ സംസാരിച്ചു.