അഞ്ച് എംഎല്‍എമാര്‍ നല്‍കിയ ഹര്‍ജി സുപ്രീം കോടതി ചൊവ്വാഴ്ച പരിഗണിക്കും
ഡല്‍ഹി: കര്‍ണാടക സ്പീക്കറിനെതിരേ അഞ്ച് വിമത എംഎല്‍എമാര്‍ നല്‍കിയ ഹര്‍ജി സുപ്രീം കോടതി ചൊവ്വാഴ്ച പരിഗണിക്കും. സ്പീക്കര്‍ രാജി തീരുമാനം വൈകിപ്പിക്കുന്നെന്ന് ചൂണ്ടിക്കാട്ടിയാണ് ഹര്‍ജി നല്‍കിയത്. എം.ടി.ബി നാഗരാജ്, റോഷന്‍ ബെയ്ഗ്, ആനന്ദ് സിംഗ്, മുനിരത്ന നായിഡു, കെ.സുധാകര്‍ എന്നിവരാണ് സുപ്രീംകോടതിയെ സമീപിച്ചത്‍.
നേരത്തെ 10 വിമത എംഎല്‍എമാരും അവര്‍ക്കെതിരെ സ്പീക്കറും നല്‍കിയ ഹര്‍ജികള്‍ സുപ്രീം കോടതിയുടെ പരിഗണനയിലാണ്. അതേസമയം, രാഷ്‌ട്രീയ പ്രതിസന്ധിയില്‍പ്പെട്ടുഴലുന്ന കര്‍ണാടകത്തിലെ സഖ്യസര്‍ക്കാരിന് ഇന്ന് നിര്‍ണായക ദിനമാണ്. കോണ്‍ഗ്രസിന്‍റെ നിര്‍ണായക നിയമസഭാ കക്ഷിയോഗവും ഇന്ന് ചേരും.
ന്യൂനപക്ഷമായ കുമാരസ്വാമി സര്ക്കാര് സഭയില് ഇന്ന് തന്നെ വിശ്വാസവോട്ട് തേടണമെന്ന ആവശ്യം ബിജെപി മുന്നോട്ട് വെച്ചിട്ടുണ്ട്.
