കൊയിലാണ്ടി> മലപ്പുറം തേഞ്ഞിപ്പലത്തിനടുത്ത് വെളിമുക്ക് ദേശീയപാതയില് ശബരിമല തീര്ത്ഥാടകരുടെ വാഹനം ലോറിയില് ഇടിച്ച് മറിഞ്ഞ് രണ്ടുപേര് മരിച്ചു. കൊയിലാണ്ടി പൊയില്ക്കാവ് സ്വദേശി സതീഷ്കുമാര് സഹോദരിയുടെ മകന് അത്തോളി സ്വദേശി അനൂപ്കുമാര് എന്നിവരാണ് മരിച്ചത്. ശബരിമല ദര്ശനം കഴിഞ്ഞ് നാട്ടിലേക്ക് മടങ്ങുകയായിരുന്ന സംഘം സഞ്ചരിച്ച വാന് ലോറിയുമായി കൂട്ടിയിടിച്ച് നിയന്ത്രണം വിട്ട് മരത്തിലിടിച്ച് മറിയുകയായിരുന്നു. അപകടത്തില് നാലുപേര്ക്ക് പരുക്കേറ്റു. ഇവരെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.