പൊലീസുകാരന്റെ മരണം; മുന്‍ ഡെപ്യൂട്ടി കമാന്‍ഡന്‍റ് അറസ്റ്റില്‍
പാലക്കാട്: സിവില്‍ പൊലീസ് ഓഫിസറായ കുമാര്‍ ട്രെയിന്‍ തട്ടി മരിച്ച സംഭവത്തില്‍ കല്ലേക്കാട് എ.ആര്‍ ക്യാമ്പിലെ മുന്‍ ഡെപ്യൂട്ടി കമാന്‍ഡന്‍റ് സുരേന്ദ്രന്‍ അറസ്റ്റില്‍. ക്രൈം ബ്രാഞ്ച് ഓഫീസിലേക്ക് വിളിച്ചുവരുത്തിയാണ് ഇയാളുടെ അറസ്റ്റ് രേഖപ്പെടുത്തിയത്. ആത്മഹത്യാ പ്രേരണ കുറ്റത്തിനാണ് സുരേന്ദ്രനെ അറസ്റ്റ് ചെയ്തിരിക്കുന്നത്.
എ.ആര്‍ ക്യാമ്ബിലെ ഉയര്‍ന്ന ഉദ്യോഗസ്ഥരുടെ ശാരീരിക-മാനസിക പീഡനത്തെ തുടര്‍ന്നാണ് അട്ടപ്പാടി പരപ്പുന്തറ സ്വദേശിയായ കുമാര്‍ (30)ആത്മഹത്യ ചെയ്തതെന്ന ഭാര്യ സജിനിയുടെ പരാതിയില്‍ ക്രൈം ബ്രാഞ്ച് കേസെടുത്തിരുന്നു.
അട്ടപ്പാടി പരപ്പുന്തറ സ്വദേശിയായ കുമാര്‍ (30) വ്യാഴാഴ്ച രാത്രിയാണ് മരിച്ചത്. ലെക്കിടി റെയില്‍വേ സ്റ്റേഷനുസമീപം റെയില്‍വേ ട്രാക്കിലാണ് മൃതദേഹം കണ്ടെത്തിയത്. കല്ലേക്കാട് എ.ആര്‍ ക്യാമ്ബിലായിരുന്നു ജോലി.
എ.ആര്‍ ക്യാമ്ബില്‍ കുമാര്‍ മൂന്നുമാസത്തോളമായി മാനസിക, ശാരീരിക പീഡനത്തിന് ഇരയായിരുന്നതായി ഭാര്യയുടെ ആരോപിച്ചിരുന്നു. ജാതീയ അധിക്ഷേപവും ഏറ്റിരുന്നതായി പരാതിയില്‍ പറയുന്നു. മാനസികമായി തകര്‍ന്ന് ജോലിയില്‍നിന്ന് കുറച്ചുദിവസം വിട്ടുനിന്നിരുന്നു. ഉയര്‍ന്ന ഉദ്യോഗസ്ഥര്‍ മനപൂര്‍വം മാനസികമായി പീഡിപ്പിക്കുന്ന കാര്യം പങ്കുവെച്ചിരുന്നതായും സജിനി പറഞ്ഞിരുന്നു.
