എക്സൈസ് സ്പെഷ്യല്‍ സ്‌ക്വാഡ് അട്ടപ്പാടിയില്‍ നടത്തിയ പരിശോധനയില്‍ കഞ്ചാവ് തോട്ടം കണ്ടെത്തി നശിപ്പിച്ചു
പാലക്കാട്‌ : എക്സൈസ് സ്പെഷ്യല്‍ സ്‌ക്വാഡ് അട്ടപ്പാടിയില്‍ നടത്തിയ പരിശോധനയില്‍ കഞ്ചാവ് തോട്ടം കണ്ടെത്തി നശിപ്പിച്ചു.ചെന്താമല പടിഞ്ഞാറു ഭാഗത്തുള്ള ചമ്മന്തിയറിന് വടക്ക് ഭാഗത്ത്‌ വിളവെടുപ്പിനു പാകമായ 500 ചെടികളും പല വലിപ്പത്തിലും പ്രായത്തി ലുമുള്ള 564 ചെടികളാണ് കണ്ടെത്തിയത്. ഈ അടുത്ത കാലത്ത് അട്ടപ്പാടി മേഖലയില്‍, കേരളത്തില്‍ തന്നെ കണ്ടെത്തിയ ഏറ്റവും വലിയ കഞ്ചാവ് കൃഷിയാണിത്. 50ലക്ഷം രൂപാ വരെ മാര്‍ക്കറ്റില്‍ വില വരുന്ന കഞ്ചാവ് ആണ് കണ്ടെത്തിയത്.
കഞ്ചാവില്‍ തന്നെ ഏറ്റവും മുന്തിയ ഇനമായ സങ്കരയിനം നീല ചടയെന്‍ വിഭാഗത്തില്‍ പെട്ട കഞ്ചാവ് ആണ് കണ്ടെത്തിയത്. എത്തി പെടാന്‍ വളരെയേറെ ദുഷ്കരമായ ഇടുക്കില്‍ ആണ് മേല്‍ കൃഷി കണ്ടെത്തിയത്. രണ്ടു ഏക്കര്‍ വരുന്ന കൃഷിക്കു ചുറ്റും ചെറിയ ടെന്ററുകള്‍ കെട്ടി കാവല്‍ ഇരിക്കുന്ന രീതിയില്‍ ആണ് മേല്‍ കൃഷി കണ്ടെത്തിയത്. റെയ്‌ഡില്‍ പല എക്സൈസ് ജീവന ക്കാര്‍ക്കും ചെറിയ തോതില്‍ പരിക്ക് പറ്റിയിരുന്നു. കേസില്‍ ആരെയും പ്രതി ചേര്‍ത്തിട്ടില്ല. സ്‌ക്വാഡ് പാര്‍ട്ടി എത്തുന്ന തിനു തൊട്ടു മുമ്ബ് വരെ ഈ മേഖലയില്‍ ജന സാന്നിധ്യം അനുഭവപെട്ടു. എക്സൈസ് പാര്‍ട്ടി വരുന്നതറിഞ്ഞു പ്രതികള്‍ രക്ഷപെട്ടതാവാനാണ് സാധ്യത എന്ന് എക്സൈസ് അറിയിച്ചു.
പാലക്കാട്‌ അസി. എക്സൈസ് കമ്മീഷണര്‍ രാജസിങ്ങിന്റെ നേതൃത്വത്തില്‍ ആണ് പരിശോധന സങ്കടിപ്പിച്ചത്. ഒരു മാസത്തോളം ജി മേഖലയില്‍ ഊരുകളില്‍ നിന്നും രഹസ്യ വിവരം ശേഖരിച്ചു ആണ് പരിശോധന സങ്കടിപ്പിച്ചത്. ഇതിനു മുമ്ബ് ഒരു തവണ ഈ മേഖലയില്‍ എത്തിപ്പെടാന്‍ ശ്രമിച്ചു എങ്കിലും ആന ശല്യം കാരണം സ്‌ക്വാഡ് പാര്‍ട്ടി ക്ക് തിരിച്ചു ഇറങ്ങേണ്ടി വന്നു. രണ്ടു ദിവസം നീണ്ട കഞ്ചാവ് റെയ്‌ഡില്‍ രാജ സിങ്.(അസി. കമ്മീഷണര്‍ ), സര്‍ക്കിള്‍ ഇന്‍സ്പെക്ടര്‍ എം. രാകേഷ്, ടി. രാജീവ്‌ (എക്സൈസ് ഇന്‍സ്പെക്ടര്‍ ), എം. യൂനസ്, ലോതര്‍ പെരേര,അജിത്‌ കുമാര്‍ (പ്രിവന്റീവ് ഓഫീസര്‍ മാര്‍ ), പി. ടി. പ്രീജു, പി. ബി. ജോണ്‍സണ്‍, ആര്‍. എസ്. സുരേഷ് (സിവില്‍ ഓഫീസര്‍സ് ), എം. സ്മിത (വനിത ഓഫീസര്‍ )പ്രദീപ്‌ (ഡ്രൈവര്‍ ) എന്നിവര്‍ പങ്കെടുത്തു
