ഡോസ് കൂട്ടി ഇഞ്ചക്ഷന് നല്കിയതിനെ തുടര്ന്ന് പ്രസവത്തിന് എത്തിയ ഇരുപത്തിയൊന്നുകാരി മരിച്ചു
കല്ലമ്പലം: ചാത്തമ്പാറ കെടിസിടി ആശുപത്രിയില് ഡോസ് കൂട്ടി ഇഞ്ചക്ഷന് നല്കിയതിനെ തുടര്ന്ന് പ്രസവത്തിന് എത്തിയ ഇരുപത്തിയൊന്നുകാരി മരിച്ചു. കല്ലമ്പലം നെല്ലിക്കോട് നെസ്ലെ വീട്ടില് ശ്രീജ (21) ആണ് മരിച്ചത്. പ്രസവത്തിന് വേണ്ടി രണ്ടു ദിവസം മുമ്പ് ശ്രീജയെ ചാത്തമ്പാറ കെടിസിടി ആശുപത്രിയില് അഡ്മിറ്റ് ചെയ്തിരുന്നു.
എന്നാല് അലര്ജി പരിശോധനകള് നടത്താതെ സിസ്സേറിയന് മുമ്പ് അധിക ഡോസില് ഇഞ്ചക്ഷന് നല്കിയതാണ് മരണ കാരണമെന്ന് കാണിച്ചുകൊണ്ട് ശ്രീജയുടെ സുഹൃത്തുക്കളും ബന്ധുക്കളും ഇന്നു രാവിലെ മൃതദേഹവുമായി കെടിസിടി ആശുപത്രി ഉപരോധിച്ചു.
ശ്രീജ മരിച്ചതിന് ശേഷവും ഒരു വിവരും ബന്ധുക്കളെ അറിയിക്കാതെ വെന്റിലേറ്ററില് തന്നെ വെച്ചിരുന്നെന്നും ബന്ധുക്കള് പറയുന്നു. സിസ്സേറിയന് നടത്തിയതില് കുട്ടി രക്ഷപ്പെട്ടു. ആശുപത്രി അധികൃതരുടെ അനാസ്ഥയും തോന്ന്യവാസവും കാരണമാണ് ഒരു ജീവന് പൊലിഞ്ഞതെന്ന് ബന്ധുക്കള് പറയുന്നു. ശ്രീജയുടെ ഭര്ത്താവ് അനു അശോക് വിസ്മയ ചാനലിന്റെ പ്രധാന കോര്ഡിനേറ്ററാണ്.