ജവാൻ ബിജീഷിൻ്റെ ഓർമ്മക്കായി ബസ് കാത്തിരിപ്പ് കേന്ദ്രം
പേരാമ്പ്ര: ഡിഫന്‍സ് സൊസൈറ്റി കാലിക്കറ്റിൻ്റെ നേതൃത്വത്തില്‍ ധീരജവാന്‍ ഏ.സി ബിജീഷിൻ്റെ നാമകരണത്തില്‍ ലാസ്റ്റ് കല്ലോടില്‍ ബസ് കാത്തിരിപ്പ് കേന്ദ്രം സമര്‍പ്പണവും ഒന്നാം സ്മൃതി ദിനാചരണവും ആചരിച്ചു.
മീത്തല്‍ അജയ് കുമാര്‍ കൊയിലാണ്ടി അദ്ധ്യക്ഷത വഹിച്ചു. ബിജീഷിൻ്റെ പിതാവ് അയ്യപ്പന്‍ ചാലില്‍ ബാലന്‍ നായര്‍ ഫോട്ടോ അനാഛാദനം നടത്തി. ഡിഫന്‍സ് സൊസൈറ്റി കാലിക്കറ്റിൻ്റെ അംഗങ്ങളും പ്രദേശവാസികളും പുഷ്പാര്‍ച്ചന നടത്തി. പ്രേമാനന്ദന്‍, അശോകന്‍, എന്‍.പി. പ്രദീപ് കൂത്താളി , വിജീഷ് രാമനാട്ടുകര, അഭിലാഷ് വടകര, ചന്ദ്രന്‍ കടിയങ്ങാട് എന്നിവര്‍ സംസാരിച്ചു.
