ഇ.കെ.പി അനുസ്മരണം സംഘടിപ്പിച്ചു
കൊയിലാണ്ടി: കുറുവങ്ങാട് ശക്തി പബ്ലിക്ക് ലൈബ്രറി & തിയറ്റേഴ്സ് ഇ കെ.പി അനുസ്മരണം സംഘടിപ്പിച്ചു. തിയറ്റേഴ്സ് സ്ഥാപകാംഗവും നാടക പ്രവർത്തകനുമായിരുന്ന ഇ.കെ.പി യുടെ 15-ാo ചരമ വാർഷികാചരണം കേളപ്പജി നാടകത്തിന്റെ രചയിതാവും നാടക പ്രവർത്തകനുമായ രവീന്ദ്രൻ മുചുകുന്ന് ഉദ്ഘാടനം ചെയ്തു. തിയറ്റേഴ്സ് ഹാളിൽ വെച്ച് നടന്ന പരിപാടിയിൽ കെ. സുകുമാരൻ അദ്ധ്യക്ഷത വഹിച്ചു.
എം. രവീന്ദ്രൻ, എൻ.കെ. സുരേന്ദ്രൻ , രവീന്ദ്രൻ മലയിൽ എന്നിവർ ഇ. കെ .പിയെ അനുസ്മരിച്ച് സംസാരിച്ചു. മികച്ച നാടകരചനക്കുള്ള ബാലുശ്ശേരി നന്മ അവാർഡ് നേടിയ രവീന്ദ്രൻ മുചുകുന്ന്, എൻ.സി.സി ദേശീയ ക്യാമ്പിൽ പങ്കെടുത്ത അനു എസ്. നായർ, പ്രതിഭകളായ കാർത്തിക് സത്യൻ, ഹിമ സുധീർ, (വയലിൻ), ബാലശങ്കർ (സംസ്കൃതം കഥാരചന), ഹരികൃക്ഷൻ (സിദ്ധ രൂപോച്ഛാരണം), ഹരി ദേവ് കൃഷ്ണ (സബ് ജില്ല ചെസ് ചാമ്പ്യൻ), അനന്ത പത്മനാഭൻ (സബ് ജില്ല നാടക മത്സരം മികച്ച നടൻ) എന്നിവരെ ചടങ്ങിൽ അനുമോദിക്കുകയും ഉപഹാരങ്ങൾ സമർപ്പിക്കുകയും ചെയ്തു. എൻ.കെ. മുരളി സ്വാഗതവും, ഇ.കെ. പ്രജേഷ് നന്ദിയും പറഞ്ഞു.
