സംസ്ഥാനത്ത് സ്വർണ വില വർധിച്ചു; പവന് 64,520 രൂപ
സംസ്ഥാനത്ത് സ്വർണ വില വർധിച്ചു. 360 രൂപയാണ് ഇന്ന് കൂടിയത്. ഒരു പവൻ സ്വർണത്തിന് 64,520 രൂപയായി. ഇന്നലെ പവന് 64,160 രൂപയായിരുന്നു വില. ഗ്രാമിന് 45 രൂപയാണ് ഇന്ന് കൂടിയത്. ഇന്ന് ഒരു ഗ്രാം സ്വർണം വാങ്ങണമെങ്കിൽ 8,065 രൂപ നൽകണം. ഈ മാസം 5നും 64,520 രൂപയായിരുന്നു ഒരു പവന് സ്വര്‍ണത്തിന്റെ വില. ഈ മാസം രേഖപ്പെടുത്തിയ ഏറ്റവും ഉയര്‍ന്ന നിരക്കാണ് ഇത്. ജനുവരി 22നാണ് പവന് വില ചരിത്രത്തില്‍ ആദ്യമായി അറുപതിനായിരം കടന്നത്.
