രണ്ടാനമ്മ ചട്ടുകം വച്ച്‌ പൊള്ളിപ്പിച്ച സംഭവം പുറത്തു പറഞ്ഞ അധ്യാപികയെ സ്‌ക്കൂളില്‍ നിന്ന് പുറത്താക്കി
കരുനാഗപ്പള്ളി: രണ്ടാനമ്മ ചട്ടുകം വച്ച്‌ പൊള്ളിപ്പിച്ച സംഭവം പുറത്തു പറഞ്ഞ അധ്യാപികയെ സ്‌ക്കൂളില്‍ നിന്ന് പുറത്താക്കി. താല്‍കാലിക അധ്യാപികയ്ക്കാണ് ഈ ദുരനുഭവം ഉണ്ടായത്. അധ്യാപിക സ്‌കൂളിന്റെ പേര് കളങ്കപ്പെടുത്തിയെന്നാണ് പ്രിന്‍സിപ്പല്‍ നല്‍കുന്ന വിശദീകരണം. കൊല്ലം കരുനാഗപ്പള്ളയില്‍ കഴിഞ്ഞ ചൊവ്വാഴ്ചയാണ് സംഭവം നടന്നത്.
ശിശുസംരക്ഷണ സമിതിയുടെ നിര്‍ദ്ദേശപ്രകാരം കുട്ടിയുടെ അച്ഛന്‍ അനീഷിനെയും രണ്ടാനമ്മ ആര്യയെയും പൊലീസ് അറസ്റ്റ് ചെയ്തിരുന്നു. കുട്ടിയെ രണ്ടാനമ്മ നാളുകളായി ക്രൂരമായി പീഡിപ്പിച്ച്‌ വരികയായിരുന്നു. അനുസരണക്കേട് കാണിച്ചതിന് കുട്ടിയെ ക്രൂരമായി മര്‍ദ്ദിക്കുകയും ചട്ടുകം കൊണ്ട് പൊള്ളിക്കുകയും ചെയ്തു. ഒരാഴ്ചയായി സ്‌കൂളില്‍ വരാത്ത കുട്ടിയെ അധ്യാപകര്‍ അന്വേഷിച്ച്‌ ചെന്നപ്പോഴാണ് സംഭവം പുറത്തറിഞ്ഞത്. അധ്യാപകയുടെ ഇടപെടലുകൊണ്ടാണ് സംഭവം പുറത്തറിഞ്ഞത്.
