കോഴിക്കോട്-ഷാര്‍ജ വിമാനം 16 മണിക്കൂര്‍ വൈകി
കോഴിക്കോട്: വെള്ളിയാഴ്ച 9.30ന് കോഴിക്കോട് നിന്നും പുറപ്പടേണ്ട എയര്‍ ഇന്ത്യയുടെ കോഴിക്കോട്-ഷാര്‍ജ വിമാനം 16 മണിക്കൂര്‍ വൈകി ഇന്ന് ഉച്ചക്ക് പുറപ്പെടാനൊരുങ്ങുന്നു. സാങ്കേതിക തകരാറാണ് വിമാനം വൈകാന്‍ കാരണമായി പറയുന്നത്.
അതേസമയം ഡല്‍ഹിയില്‍ നിന്ന് ടോകിയോയിലേക്കുള്ള എയര്‍ ഇന്ത്യ വിമാനവും സാേങ്കതിക തകരാര്‍ കാരണം വൈകി. ഇതു മൂലം യാത്രക്കാര്‍ എട്ടു മണിക്കൂര്‍ ഡല്‍ഹി വിമാനത്താവളത്തില്‍ അകപ്പെട്ടു.
തകരാറിലായ വിമാനത്തിനു പകരം റ്റൊരു വിമാനം ഒരുക്കിയെങ്കിലും ഫ്ലൈറ്റ് ആന്‍റ് ഡ്യൂട്ടി ടൈം ലിമിറ്റേഷന്‍സ് (എഫ്.ഡി.ടി.എല്‍) നിയമപ്രകാരം ജോലിക്കാരെ മാറ്റേണ്ടി വന്നതും സമയം വൈകാന്‍ കാരണമായി. വെള്ളിയാഴ്ച രാത്രി 9.15ന് തിരിക്കേണ്ട എ.െഎ 360 വിമാനം ശനിയാഴ്ച രാവിലെ അഞ്ചു മണിക്കാണ് യാത്ര പുറപ്പെട്ടത്. യാത്ര ൈവകിയതിനാല്‍ പലര്‍ക്കും ടോകിയോവില്‍ നിന്ന് മറ്റു സ്ഥലങ്ങളിലേക്കു പോകേണ്ടതായ വിമാനങ്ങള്‍ കിട്ടിയില്ല.
