ഐഎസ്ആര്ഒയുടെ നേട്ടത്തെ താഴ്ത്തിക്കെട്ടി ചൈനീസ് മാധ്യമങ്ങള്
ബെയ്ജിംഗ്: ഇന്ത്യ എന്തു നേട്ടം കൈവരിച്ചാലും അയൽപ്പക്കക്കാരായ ചൈനയ്ക്ക് അത്ര സുഖിക്കില്ല. അവർ കൗണ്ടറുമായി അപ്പോൾ തന്നെ രംഗത്തെത്തും. ഇപ്പോൾ ബഹിരാകാശ രംഗത്തെ ഐഎസ്ആർഒയുടെ നേട്ടം ചൈനീസ് മാധ്യങ്ങൾക്ക് അത്രകണ്ട് പിടിച്ചിട്ടില്ല. ബഹിരാകാശത്ത് എന്ത് നേട്ടം കൈവരിച്ചാലും ഇന്ത്യ ഇപ്പോഴും ചൈനയ്ക്കു പിന്നിലാണെന്നാണ് ചൈനീസ് മാധ്യമങ്ങളുടെ വിലയിരുത്തൽ. ഒറ്റ റോക്കറ്റിൽ 104 ഉപഗ്രഹങ്ങളെ ഭ്രമണപഥത്തിലെത്തിച്ച ഐഎസ്ആർഒയെ ലോകരാജ്യങ്ങൾ അഭിനന്ദനം കൊണ്ട് മൂടുന്പോഴാണ് കുശുന്പുമായി ചൈന രംഗത്തെത്തിയിരിക്കുന്നത്.
ഇന്ത്യക്ക് ഇതുവരെ ഒരു ബഹിരാകാശ നിലയം സ്ഥാപിക്കുവാൻ സാധിച്ചിട്ടില്ലെന്നും വലിയ ബഹിരാകാശ ദൗത്യങ്ങൾക്കായുള്ള റോക്കറ്റ് എൻജിൻ സാങ്കേതിക വിദ്യ ഇന്ത്യക്കില്ലെന്നും ഗ്ലോബൽ ടൈംസ് പത്രം റിപ്പോർട്ട് ചെയ്തു.