ഖുർആൻ സംഗമവും അവാർഡ് ദാനവും സംഘടിപ്പിച്ചു
കൊയിലാണ്ടി: ഐ എസ് എം കൊയിലാണ്ടി മണ്ഡലം “വെളിച്ചം” ഖുർആൻ സംഗമവും അവാർഡ് ദാനവും സംഘടിപ്പിച്ചു. ഇർശാദ് ഓഡിറ്റോറിയത്തിൽ വെച്ച് നടന്ന പരിപാടിയിൽ വെളിച്ചം, ബാല വെളിച്ചം എന്നിവയിൽ ഉന്നത വിജയം നേടിയവർക്ക് അവാർഡ് നൽകി. പരിപാടി കെ. എൻ.എം മണ്ഡലം സെക്രട്ടറി ടി. വി അബ്ദുൽ ഖാദർ ഉദ്ഘാടനം ചെയ്തു. റാഷിദ് മണമൽ അധ്യക്ഷത വഹിച്ചു.
പ്രമുഖ യുവ പ്രഭാഷകൻ അനസ് സ്വലാഹി കോഴിച്ചന മുഖ്യ പ്രഭാഷണം നടത്തി. ആദിൽ മുസമ്മിൽ സ്വാഗതം പറഞ്ഞു. മദ്റസ മുഫത്തിഷ് മുഹമ്മദലി മൗലവി കട്ടിപാറ ആശംസയർപ്പിച്ചു സംസാരിച്ചു.
