നെൽകൃഷിക്ക് വളപ്രയോഗത്തിന് ഡ്രോൺ പരീക്ഷണം

നെൽകൃഷിക്ക് വളപ്രയോഗത്തിന് ഡ്രോൺ പരീക്ഷണം. വേളം പഞ്ചായത്തിലെ ശാന്തിനഗർ പാടശേഖരത്തിലാണ് വളപ്രയോഗത്തിനായി ഡ്രോൺ ഉപയോഗിച്ചത്. കേന്ദ്ര സുഗന്ധവിള ഗവേഷണ കേന്ദ്രത്തിൻ്റെയും വേളം കൃഷി ഭവൻ്റെയും നേതൃത്വത്തിലായിരുന്നു ഡ്രോൺ ഉപയോഗിച്ച് സൂക്ഷ്മമൂലകങ്ങൾ തളിച്ചത്.

കേരള കാർഷിക സർവ്വകലാശാല പുറത്തിറക്കിയ സമ്പൂർണ മൾട്ടി മിക്സ് എന്ന സൂക്ഷ്മ വളക്കൂട്ടാണ് തളിച്ചത്. ഇതിലൂടെ ചുരുങ്ങിയ സമയത്തിനുള്ളിൽ സുരക്ഷിതമായും ഫലപ്രദമായും വളപ്രയോഗം നടത്താനാകും. കർഷകർക്കായി നെല്ല്, വാഴ, പച്ചക്കറി കൃഷി എന്നിവക്കായി ഉപയോഗിക്കാൻ സൂക്ഷ്മ മൂലകങ്ങളുടെ വിതരണവും നടത്തി.