മൂവാറ്റുപുഴയില് എട്ടുപേരെ കടിച്ചുകീറിയ നായ ചത്തു
![](https://koyilandydiary.com/wp-content/uploads/2024/05/13-11-1024x943.jpg)
മൂവാറ്റുപുഴയില് എട്ടുപേരെ കടിച്ചുകീറിയ നായ ചത്തു. അക്രമത്തിന് ശേഷം നഗരസഭാ കോമ്പൗണ്ടില് ഇരുമ്പുകൂട്ടില് പൂട്ടിയിട്ടിരുന്ന നായയാണ് മരണമടഞ്ഞത്. നായക്ക് പേവിഷ ബാധയുണ്ടായിരുന്നോ എന്ന സംശയം ഉയര്ന്നതിനിടെയാണ് നായ ചത്തത്. നായയുടെ പോസ്റ്റുമോര്ട്ടം നടപടികള് പൂര്ത്തിയാക്കിയ ശേഷമേ ഇത് സംബന്ധിച്ച വ്യക്തത വരൂ.
![](https://koyilandydiary.com/wp-content/uploads/2022/09/SPECIALITY-AD-WIDE.jpg)
ഞാറാഴ്ച ഉച്ചയോടെയാണ് മൂവാറ്റുപുഴ നഗരസഭാ കോമ്പൗണ്ടില് ഇരുമ്പുകൂട്ടില് പൂട്ടിയിട്ടിരുന്ന അപകടകാരിയായ നായ ചത്തത്. നായക്ക് പേ വിഷബാധ ഉണ്ടൊ എന്ന് അറിയാന് തൃശ്ശൂരിലെ വെറ്റിനറി മെഡിക്കല് കോളേജിലെ പരിശോധന റിപ്പോര്ട്ട് പുറത്ത് വരേണ്ടതുണ്ട്. വ്യാഴാഴ്ച രാവിലെ 9 മണിയോടെയാണ് നാടിനെ നടുക്കിയ നായയുടെ ആക്രമണമുണ്ടായത്.
![](https://koyilandydiary.com/wp-content/uploads/2022/09/IMG-20240611-WA0019.jpg)
ആടിനേയും പശുവിനേയും ഈ നായ ആക്രമിച്ചിരുന്നു. നായയുടെ ആക്രമണത്തിനിരയായവര്ക്ക് മൂവാറ്റുപുഴ ജനറല് ആശുപത്രിയില് ചികിത്സ നല്കിയിരുന്നു. കോട്ടയത്ത് നിന്നെത്തിയെ ഡി ജയകുമാറിന്റെ നേതൃത്വത്തില് നായയെ പിടികൂടി ഇരുമ്പ് കൂട്ടില് അടച്ചതിന് ശേഷം പത്ത് ദിവസത്തേയ്ക്ക് നിരീക്ഷണത്തിലാക്കിയതായിരുന്നു. ഇതിനിടെയാണ് നായ ചത്തത്.
![](https://koyilandydiary.com/wp-content/uploads/2022/09/shobika-box.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)