പാൻ കാർഡ് അഞ്ച് മിനുട്ടിനുള്ളിൽ ലഭിക്കാനുള്ള സംവിധാനമൊരുങ്ങുന്നു
ഡല്‍ഹി: പാൻ കാർഡ് അഞ്ച് മിനുട്ടിനുള്ളിൽ ലഭിക്കാനുള്ള സംവിധാനമൊരുങ്ങുന്നു . ആദായ നികുതി മൊബൈല്‍ ഫോണ്‍ വഴി അടയ്ക്കാനുള്ള സംവിധാനവും പ്രത്യക്ഷ നികുതി ബോര്‍ഡ് ഒരുക്കുന്നുണ്ട്.
ആധാര്‍ വഴിയുള്ള ഇ-കെവൈസി സംവിധാനമുപയോഗിച്ചാണ് പാന്‍ വിതരണം സാധ്യമാക്കുന്നത്.പാൻകാർഡ് ലഭിക്കുന്നതിനുള്ള രേഖകളും വിരലടയാളം സ്വീകരിച്ചാവും അതിവേഗത്തിൽ പാൻകാർഡ് വിതരണം ചെയ്യുക.
പുതിയ സംവിധാനം പ്രകാരം വിരലടയാളവും നൽകിയാൽ അഞ്ച് മിനുട്ടിനുള്ളിൽ പാൻകാർഡ് നമ്പർ ലഭിക്കും. നിലവില്‍ പാന്‍ കാര്‍ഡ് ലഭിക്കുന്നതിന് മൂന്ന് ആഴ്ചയെങ്കിലും സമയമെടുക്കുന്നുണ്ട്. പാൻകാർഡും വൈകാതെ തന്നെ ലഭ്യമാക്കുമെന്നാണ് സർക്കാർ അറിയിച്ചിരിക്കുന്നത്. മൊബൈൽ ഫോൺ വഴി ആദായനികുതി അടക്കാനും പാൻകാർഡിന് അപേക്ഷിക്കാനും പുതിയ ആപ്പും നികുതി വകുപ്പ് പുറത്തിറക്കുന്നുണ്ട്. റിട്ടേണ്‍ സ്റ്റാറ്റസ് ട്രാക്ക് ചെയ്യാനും ഈ ആപ്പിലൂടെ കഴിയും.
