പാസ്‌പോര്‍ട്ട് സേവാകേന്ദ്രങ്ങളില്‍ 11-ന് പാസ്‌പോര്‍ട്ട് മേള നടക്കും
കോഴിക്കോട്: കോഴിക്കോട് വെസ്റ്റ്ഹില്ലിലെയും പയ്യന്നൂരിലെയും പാസ്‌പോര്‍ട്ട് സേവാകേന്ദ്രങ്ങളില്‍ 11-ന് പാസ്‌പോര്‍ട്ട് മേള നടക്കും. രാവിലെ 9.30 മുതല്‍ വൈകുന്നേരം 4.30 വരെയാണ് മേള. കണ്ണൂര്‍, കാസര്‍കോട്, വയനാട്, കോഴിക്കോട്, മാഹി എന്നിവിടങ്ങളിലെ അപേക്ഷകര്‍ക്ക് പങ്കെടുക്കാം. ഓണ്‍ലൈനില്‍ രജിസ്റ്റര്‍ചെയ്ത് ആപ്ലിക്കേഷന്‍ രജിസ്‌ട്രേഷന്‍ നമ്പര്‍ (എ.ആര്‍.എന്‍.) എടുത്തുവരണമെന്ന് പാസ്‌പോര്‍ട്ട് ഓഫീസര്‍ കെ.പി. മധുസൂദനന്‍ അറിയിച്ചു.
