കൊരയങ്ങാട് തെരു ഭഗവതി ക്ഷേത്രത്തിലെ താലപ്പൊലി മഹോത്സവത്തിന് കൊടിയേറി
കൊയിലാണ്ടി: വടക്കെ മലബാറിലെ പ്രസിദ്ധ ദേവീക്ഷേത്രങ്ങളിലൊന്നായ കൊരയങ്ങാട് തെരു ഭഗവതി ക്ഷേത്രത്തിലെ താലപ്പൊലി മഹോത്സവത്തിന് ചൊവ്വാഴ്ച കാലത്ത് കൊടിയേറി. ക്ഷേത്രം തന്ത്രി നരിക്കിനി ഇടമന ഇല്ലം മോഹനൻ നമ്പൂതിരിയുടെയും, മേൽശാന്തി ഇടനീർമഠം മൂടുമന നാഗരാജ് അഡിഗയുടെയും മുഖ്യകാർമികത്വത്തിൽ നടന്ന ചടങ്ങുകൾക്ക് ശേഷം ഭക്തിയുടെ നിറവിലാണ് കൊടിയേറ്റം നടന്നത്.
വൈകീട്ട് 5 മണിക്ക് ചോമപ്പൻകാവു കയറ്റത്തോടെ ക്ഷേത്രനഗരിയും പരിസരവും ഭക്തിസാന്ത്രമായ അന്തരീക്ഷത്തിലേക്ക് തിരിയും. തുടർന്ന് കുടവരവും, ഗണപതി ക്ഷേത്രത്തിലെത്തിച്ചേരും. രാത്രി 10 മണിക്ക് തൃത്തായമ്പകയും, 1 മണിക്ക് എഴുന്നള്ളിപ്പും ഉണ്ടാവും.
