ഔഷധ തോട്ട നിർമ്മാണം ആരംഭിച്ചു

കൊയിലാണ്ടി: ഔഷധ തോട്ട നിർമ്മാണം ആരംഭിച്ചു. നഗരസഭ  അയ്യങ്കാളി തൊഴിലുറപ്പു പദ്ധതി 2022-23 സാമ്പത്തിക വർഷത്തെ ആക്ഷൻ പ്ലാനിൽ ഉൾപെടുത്തി കൊയിലാണ്ടി നഗരസഭയിൽ പൊതു സ്ഥാപനങ്ങളിലും പൊതു ഇടങ്ങളിലും, ഔഷധ തോട്ട നിർമ്മാണം ആരംഭിച്ചു. പോലീസ് സ്റ്റേഷൻ കോമ്പൗണ്ടിൽ നടന്ന പരിപാടി നഗരസഭ ചെയർപേഴ്സൺ കെ. പി സുധ ഉദ്ഘാടനം ചെയ്തു. ചടങ്ങിൽ നഗരസഭ വൈസ് ചെയർമാൻ അഡ്വ:കെ സത്യൻ അധ്യക്ഷത വഹിച്ചു.

നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു മാസ്റ്റർ പദ്ധതി വിശദീകരണം നടത്തി. സ്‌റ്‌റാന്റിംങ്ങ് കമ്മറ്റി ചെയർമാൻ കെ.എ. ഇന്ദിര ടീച്ചർ, ഇ.കെ. അജിത് മാസ്റ്റർ  കൗൺസിലർമാരായ രത്നവല്ലി ടീച്ചർ, വി.പി. ഇബ്രാഹിം കുട്ടി, സുമതി, കൊയിലാണ്ടി പോലീസ് സ്റ്റേഷൻ സി ഐ സുനിൽ കുമാർ, ആയുർവേദ ഡോക്ടർ ഷംസുദ്ധീൻ എന്നിവർ സംസാരിച്ചു. അയ്യങ്കാളി തൊഴിലുറപ്പു പദ്ധതി എഞ്ചിനീയർ ആദിത്യ ബി. ആർ നന്ദി പറഞ്ഞു.