എസ്.ബി.ഐ 6,622 ജീവനക്കാരെ കുറയ്ക്കുന്നു
ഡല്‍ഹി: രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.ഐ സാമ്പത്തിക വര്‍ഷത്തിന്റെ ഒന്നാം പാദത്തില്‍ വ്യാപകമായി ജീവനക്കാരെ കുറക്കുന്നു. 6,622 ജീവനക്കാരെയാണ് ബാങ്ക് ആദ്യ ഘട്ടത്തില്‍ ഒഴിവാക്കുന്നത്. ഇതില്‍ കുറേ ജീവനക്കാര്‍ വിരമിക്കലിലൂടെ പുറത്ത് പോകുന്നവരാണ്. മറ്റുള്ളവരെ വി.ആര്‍.എസ് മുഖേന ഒഴിവാക്കാനാണ് എസ്.ബി.ഐയുടെ പദ്ധതി.
ഡിജിറ്റലൈസേഷെന്‍റ ഭാഗമായി 10,000 ജീവനക്കാരെ വിവിധ സ്ഥലങ്ങളിലേക്ക് മാറ്റി നിയമിക്കാനും എസ്.ബി.ഐക്ക് പദ്ധതിയുണ്ട്. എസ്.ബി.ഐയും ആറ് അസോസിയേറ്റഡ് ബാങ്കുകളും ലയിച്ചതിനെ തുടര്‍ന്ന് എകദേശം 594 ബാങ്ക് ശാഖകളാണ് ഇല്ലാതായത്. ഇതുവഴി 1,160 കോടിയുടെ ലാഭമുണ്ടാകുമെന്നാണ് എസ്.ബി.ഐയുടെ കണക്ക് കൂട്ടല്‍. കൂടുതല്‍ ജീവനക്കാരെ ഒഴിവാക്കുന്നത് വഴി അധിക ലാഭം ഉണ്ടാക്കാമെന്ന എസ്.ബി.ഐയുടെ പ്രതീക്ഷ.
