മനോജ് ജോഷിക്ക് നികുതി വകുപ്പിന്റെ അധിക ചുമതല നല്കാന് മന്ത്രിസഭാ യോഗ തീരുമാനം
തിരുവനന്തപുരം: വനം-വന്യജീവി വകുപ്പ് അഡീഷണല് ചീഫ് സെക്രട്ടറി സത്യജിത് രാജനെ തൊഴിലും നൈപുണ്യവും വകുപ്പ് അഡീഷണല് ചീഫ് സെക്രട്ടറിയായി മാറ്റി നിയമിക്കാന് മന്ത്രിസഭാ യോഗ തീരുമാനം. തൊഴിലും നൈപുണ്യവും വകുപ്പ് അഡീഷണല് ചീഫ് സെക്രട്ടറി ഡോ. ആശാ തോമസിനെ വനം വന്യജീവി വകുപ്പ് അഡീഷണല് ചീഫ് സെക്രട്ടറിയായി മാറ്റി നിയമിക്കും.
ധനകാര്യ വകുപ്പ് അഡീഷണല് ചീഫ് സെക്രട്ടറി മനോജ് ജോഷിക്ക് നികുതി വകുപ്പിന്റെ (എക്സൈസ് ഒഴികെ) അധിക ചുമതല നല്കാന് തീരുമാനിച്ചു.നികുതി വകുപ്പ് പ്രിന്സിപ്പല് സെക്രട്ടറി രാജേഷ് കുമാര് സിംഗിനെ പൊതുമരാമത്ത് വകുപ്പ് പ്രിന്സിപ്പല് സെക്രട്ടറിയായി മാറ്റി നിയമിക്കും. കൃഷി (മൃഗസംരക്ഷണം), ക്ഷീരവികസനം, സാംസ്കാരികകാര്യം (മൃഗശാല) എന്നീ അധിക ചുമതലകള് കൂടി ഇദ്ദേഹം വഹിക്കും. പൊതുമരാമത്ത് പ്രിന്സിപ്പല് സെക്രട്ടറി ജി. കമലവര്ധന റാവുവിനെ ഉദ്യോഗസ്ഥ-ഭരണ-പരിഷ്കാര വകുപ്പ് പ്രിന്സിപ്പല് സെക്രട്ടറിയായി മാറ്റി നിയമിക്കും.പരിസ്ഥിതി വകുപ്പ് ഡയറക്ടര് വീണ എന് മാധവനെ പട്ടികവര്ഗ്ഗ വികസന വകുപ്പ് ഡയറക്ടറായി മാറ്റി നിയമിക്കും.ശുചിത്വമിഷന് എക്സിക്യൂട്ടീവ് ഡയറക്ടര് മിര് മുഹമ്മദ് അലി പരിസ്ഥിതി വകുപ്പ് ഡയറട്കറുടെ അധിക ചുമതല വഹിക്കും.
ലീഗല് മെട്രോളജി കണ്ട്രോളര് കെ.ടി. വര്ഗ്ഗീസ് പണിക്കരെ കണ്സ്യൂമര് അഫയേഴ്സ് വകുപ്പ് ഡെപ്യൂട്ടി സെക്രട്ടറിയായി മാറ്റി നിയമിക്കും. ലീഗല് മെട്രോളജി കണ്ട്രോളറുടെ അധിക ചുമതല ഇദ്ദേഹം വഹിക്കും.
മാനന്തവാടി സബ് കളക്ടര് എന്.എസ്.കെ ഉമേഷിനെ ശബരിമല, പമ്ബ, നിലയ്ക്കല് എന്നീ സ്ഥലങ്ങളിലുള്ള സര്ക്കാര് വകുപ്പുകളുടെയും ഏജന്സികളുടെയും പ്രവര്ത്തനങ്ങള് ഏകോപിപ്പിക്കുന്നതിന് ചുമതലയുള്ള അഡീഷണല് ഡിസ്ട്രിക്റ്റ് മജിസ്ട്രേറ്റായി മാറ്റി നിയമിക്കുവാന് തീരുമാനിച്ചു.
ഒറ്റപ്പാലം സബ് കളക്ടര് ജെറോമിക് ജോര്ജ്ജിനെ സ്പോര്ട്സ് ആന്റ് യൂത്ത് അഫയേഴ്സ് ഡയറട്കറായി മാറ്റി നിയമിക്കും. ആര്. രാഹുലിനെ റോഡ്സ് ആന്റ് ബ്രിഡ്ജസ് ഡവലപ്മെന്റ് കോര്പ്പറേഷന് ഓഫ് കേരള ലിമിറ്റഡ് മാനേജിംഗ് ഡയറക്ടറായി നിയമിക്കാനും തീരുമാനമായി.