ദേശീയ പണിമുടക്ക് വിജയിപ്പിക്കും: കേരള എൻ.ജി.ഒ.യൂണിയൻ
കൊയിലാണ്ടി: കേന്ദ്ര സർക്കാരിന്റെ ജനവിരുദ്ധ നയങ്ങൾ തിരുത്തുക, പി.എഫ്.ആർ.ഡി.എ. നിയമം പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് ജനുവരി 8, 9 തിയ്യതികളിൽ നടക്കുന്ന ദേശീയ പണിമുടക്ക് വിജയിപ്പിക്കാൻ കേരള എൻ.ജി.ഒ.യൂണിയൻ കൊയിലാണ്ടി ഏരിയ ജനറൽ ബോഡി യോഗം അദ്ധ്യാപകരോടും ജീവനക്കാരോടും ആഹ്വാനം ചെയ്തു. സംസ്ഥാന സെക്രട്ടറിയേറ്റ് അംഗം കെ.രാജ ചന്ദ്രൻ ഉദ്ഘാടനം ചെയ്തു. കെ.മിനി അധ്യക്ഷയായി. എം.പി.ജിതേഷ് ശ്രീധർ, വി.സാഹിർ എന്നിവർ സംസാരിച്ചു.
