നവകേരള സദസ്സ്: കൊയിലാണ്ടിയിൽ കൂട്ടയോട്ടം സംഘടിപ്പിച്ചു
കൂട്ടയോട്ടം ശ്രദ്ധേയമായി.. കൊയിലാണ്ടി നിയോജക മണ്ഡലം നവകേരള സദസ്സിന്റെ പ്രചരണാര്‍ത്ഥം സംഘാടക സമിതിയുടെ നേതൃത്വത്തില്‍ കൊയിലാണ്ടി ടൗണില്‍ കൂട്ടയോട്ടം സംഘടിപ്പിച്ചു. എം.എൽ.എ.യും, എൽ.ഡി.എഫ്.ലെ മുതിർന്ന നേതാക്കൾ ഉൾപ്പെടെ കൂട്ടയോട്ടത്തിൽ പങ്കെടുത്തതോടെ കൂട്ടയോട്ടം ഏറെ ശ്രദ്ധേയമായി. കൊയിലാണ്ടി കേരളാ ബാങ്ക് പരിസരത്തു നിന്നാരംഭിച്ച പരിപാടി ബസ് സ്റ്റാന്റ് പരിസരത്ത് സമാപിച്ചു.
പരിപാടിയില്‍ കാനത്തില്‍ ജമീല എം.എല്‍.എ, മുന്‍ എം.എല്‍.എമാരായ കെ. ദാസന്‍, പി. വിശ്വന്‍ മാസ്റ്റര്‍, നഗരസഭ ചെയര്‍പേഴ്സണ്‍ സുധ കിഴക്കേപ്പാട്ട്, പന്തലായനി ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ്, നഗരസഭ വൈസ് ചെയര്‍മാന്‍ അഡ്വ. കെ സത്യന്‍, സ്റ്റാൻ്റിംഗ് കമ്മിറ്റി ചെയര്‍മാന്മാരായ കെ. ഷിജു, ഇ.കെ അജിത്, സി. അശ്വിനിദേവ്, സി. സത്യചന്ദ്രന്‍, സുരേഷ് മേലേപ്പുറത്ത്, എം. റഷീദ്, കബീര്‍ സലാല തുടങ്ങിയവര്‍ പങ്കെടുത്തു.
