പൊതുവിദ്യാലയങ്ങളിലെ ഉച്ചഭക്ഷണ പദ്ധതി തുക കൂട്ടിയില്ല
കോഴിക്കോട് : പൊതുവിദ്യാലയങ്ങളിലെ ഉച്ചഭക്ഷണ പദ്ധതിയുടെ തുക വര്ദ്ധിപ്പിക്കുന്ന കാര്യത്തിൽ തീരുമാനമായില്ല. പ്രതിസന്ധി പരിഹരിക്കാൻ പ്രധാന അധ്യാപകരുടെ സംഘടന ഹൈക്കോടതിയെ സമീപിച്ചു.
അവകാശ നിയമത്തിന്റെ ഭാഗമായി ഒന്നു മുതല് എട്ട് വരെയുളള ക്ളാസുകളിലെ കുട്ടികള്ക്ക് സൗജ്യവും പോഷകസമൃദ്ധവുമായ ആഹാരം നല്കുകയെന്ന ലക്ഷ്യത്തോടെ കേന്ദ്ര സംസ്ഥാന സര്ക്കാരുകള് സംയുക്തമായാണ് ഉച്ചഭക്ഷണ പദ്ധതി നടപ്പാക്കുന്നത്. എന്നാല് ഇതിനായി ഒരു കുട്ടിക്ക് പരമാവധി എട്ട് രൂപയാണ് അനുവദിക്കുന്നത്. അതാകട്ടെ 150 കുട്ടികള് വരെയുളള സ്കൂള്ക്ക് മാത്രം. 150നും അഞ്ഞൂറിനും ഇടിയിലാണ് കുട്ടികളുടെ എണ്ണമെങ്കില് ഏഴ് രൂപയും അഞ്ഞൂറില് കൂടുതല് കുട്ടികളുളള സ്കൂളുകളില് കുട്ടി ഒന്നിന് ആറ് രൂപയുമാണ് അനുവദിക്കുന്നത്.
2016 മുതല് നല്കി വരുന്ന തുക പരിഷ്കരിക്കുമെന്നാവശ്യപ്പെട്ട് പ്രധാന അധ്യാപകര് സെക്രട്ടേറിയറ്റിന് മുന്നില് സമരം നടത്തിയെങ്കിലും ഫലം കാണാതെ വന്നതോടെയാണ് പ്രധാന അധ്യാപകരുടെ സംഘടന ഹൈക്കോടതിയെ സമീപിച്ചത്. തുക വര്ദ്ധിപ്പിക്കാത്ത പക്ഷം ഉച്ചഭക്ഷണ പദ്ധതിയുടെ ചുമതല മറ്റ് ഏജന്സികളെ ഏല്പ്പിക്കണമെന്നാണ് ഇവരുടെ ആവശ്യം.