പയറ്റുവളപ്പിൽ ശ്രീദേവി ക്ഷേത്രത്തിൽ ആദ്യമായി തേങ്ങയേറും പാട്ടും
കൊയിലാണ്ടി: പയറ്റുവളപ്പിൽ ശ്രീദേവി ക്ഷേത്രത്തിൽ 12008 തേങ്ങയേറും പാട്ടും നവംബർ 22, 23 തിയ്യതികളിൽ നടക്കുമെന്ന് ക്ഷേത്ര ഭാരവാഹികൾ അറിയിച്ചു. ക്ഷേത്രത്തിൽ ആദ്യമായാണ് തേങ്ങയേറും പാട്ടും നടത്തുന്നത്. കാരു കുറമഠം രാമചന്ദ്രൻ നായർ കാർമികത്വം വഹിക്കും.
ഇതോടനുബന്ധിച്ച് ഭദ്രകാളി അമ്മയ്ക്ക് കളമെഴുത്തും പാട്ടിന് ബാലുശ്ശേരി സുരേഷ് കുറുപ്പും സംഘവും, വാദ്യം കലാമണ്ഡലം അരുൺ കൃഷ്ണൻ മാരാരും മഹാഗണപതി ഹോമം ഭുവനേശ്വരിക്ക് വിശേഷാൽ ദ്രവ്യ കലശാഭിഷേകവും വിശേഷാൽ പൂജയ്ക്ക് ക്ഷേത്രാചാര്യൻ പറവൂർ രാഗേഷ് തന്ത്രിയും, ക്ഷേത്ര മേൽശാന്തി സി.പി. സുഖലാലൻ ശാന്തിയുടെയും കാർമികത്വത്തിൽ നടക്കും. തേങ്ങയേറിലേക്ക് വഴിപാടായി നാളീകേരം നൽകുന്നവർ 18-11-24 ന് മുമ്പായി എത്തിക്കണമെന്ന് ഭാരവാഹികൾ അറിയിച്ചു.
