ശിഹാബ് തങ്ങൾ റിലീഫ് കമ്മിറ്റി ഓഫീസ് ഉദ്ഘാടനം ചെയ്തു
കക്കോടി: കക്കോടി മേഖല ശിഹാബ് തങ്ങൾ റിലീഫ് കമ്മറ്റി ഓഫീസ് ചെറുകുളം ബസാറിൽ മുഖ്യ രക്ഷാധികാരി എം.അബ്ദുൽ ഖാദർ ഹാജി മാനന്തവാടി ഉദ്ഘാടനം ചെയ്തു. ചെയർമാൻ പി.കെ അബ്ദുൽ ലത്തീഫ് അധ്യക്ഷത വഹിച്ചു. സഫ മക്ക മെഡിക്കൽ ഗ്രൂപ്പിന്റെ സഹകരണത്തോടെ നൽകുന്ന ഭക്ഷ്യ സാധനകിറ്റ് വിതരണം ഉസ്മാൻ കൂരിക്കാടനും പഠനോപകരണ വിതരണം റഷീദ് ഏലായിയും ഉദ്ഘാടനം ചെയ്തു.
കൺവീനർ കെ.പി മജീദ് മുഖ്യ പ്രഭാഷണം നടത്തി. ഡോ. ആഷ്മി ബക്കർ മെഡികാർഡ് വിതരണം ഉദ്ഘാടനം ചെയ്തു. പി.ടി അബ്ദു റഹിമാൻ, പി.പി ഹംസ ലക്ഷദ്വീപ്, ഗോപാലൻ മക്കടോൽ, എ.പി കോയക്കുട്ടി, സാബുദ്ദീൻ, റീജ കക്കോടി, ബുഷ്റ ജാബിർ, നിജിയ കൂടത്തും പൊയിൽ എന്നിവർ സംസാരിച്ചു. ടി.കെ ഫാത്തിമ ഷഹാന ഖിറാഅത്ത് നടത്തി. കോർഡിനേറ്റർ എ.കെ ജാബിർ കക്കോടി സ്വാഗതവും ട്രഷറർ കെ. സാജിദ് നന്ദിയും പറഞ്ഞു.
