കോഴിക്കോട്-ബാലുശ്ശേരി റൂട്ടിൽ സ്വകാര്യ ബസുകൾ ജൂൺ 3 മുതൽ സർവിസ് നിർത്തുമെന്ന് സ്വകാര്യ ബസ് ഓണേഴ്സ് അസോസിയേഷൻ
ബാലുശ്ശേരി: ബാലുശ്ശേരി-കോഴിക്കോട് റൂട്ടിൽ ജൂൺ മൂന്നു മുതൽ സ്വകാര്യ ബസുകൾ സർവിസ് നിർത്തിവെക്കുമെന്ന് ബസ് ഓണേഴ്സ് അസോസിയേഷൻ ബാലുശ്ശേരി ഏരിയ കമ്മിറ്റി ഭാരവാഹികൾ വാർത്താ സമ്മേളനത്തിൽ പറഞ്ഞു. കുറച്ചു കാലമായി ദേശീയപാത നവീകരണവുമായി ബന്ധപ്പെട്ട് വേങ്ങേരി ജങ്ഷനിൽ നിർമിക്കുന്ന അണ്ടർപാസിന്റെ പണി ഇഴഞ്ഞുനീങ്ങുകയാണ്. ജങ്ഷനിൽ ജപ്പാൻ കുടിവെള്ള പൈപ്പ് ലൈൻ മാറ്റി സ്ഥാപിക്കുന്നതിന്
ഇതെല്ലാം സ്വകാര്യ ബസുകൾക്ക് വളരെയധികം പ്രയാസങ്ങൾ ഉണ്ടാക്കുന്നുവെന്നും ഭാരവാഹികൾ അറിയിച്ചു. ഒരു ദിവസം ബാലുശ്ശേരി, നരിക്കുനി, കുന്ദമംഗലം, കക്കോടി, ചേളന്നൂർ, പട്ടർപാലം തുടങ്ങിയ റൂട്ടുകളിൽ സർവിസ് നടത്തുന്ന 168 ഓളം ബസുകൾ 1200 ഓളം ട്രിപ്പുകളാണ് നടത്തിക്കൊണ്ടിരിക്കുന്നത്. കോഴിക്കോട് പ്രൈവറ്റ് ബസ്സ് സ്റ്റാൻ്റിലേക്കുള്ള പോക്കുവരവ് മാളിക്കടവ് വഴി തിരിച്ചുവിട്ടതിനാൽ ഓരോ ട്രിപ്പിലും എട്ടു കിലോമീറ്ററോളമധികം ഓടേണ്ടി വരുന്നു. ഇതിനായി നല്ലൊരു തുക പെട്രോൾ ചെലവായി വരുന്നുണ്ടെന്നും ഈ റൂട്ടിൽ ബസ് തൊഴിലാളികൾ തൊഴിലെടുക്കാൻ വിസമ്മതിക്കുകയാണെന്നും ഭാരവാഹികൾ പത്രസമ്മേളനത്തിൽ അറിയിച്ചു.
Advertisements
മാളിക്കടവ് വഴിയുള്ള ഇടുങ്ങിയ റൂട്ടിൽ അപകടങ്ങൾ നിത്യസംഭവമാണെന്നും വാഹനങ്ങളുടെ തള്ളിച്ച കാരണം ബസുകൾക്ക് കൃത്യസമയം പാലിക്കാൻ പറ്റാത്ത സാഹചര്യമാണെന്നും ഭാരവാഹികൾ പറഞ്ഞു. ബസ് സർവിസ് നിർത്തിവെക്കുന്നത് സംബന്ധിച്ച് 15 ദിവസം മുമ്പ് ജില്ലാ കലക്ടർക്ക് കത്ത് നല്കിയിട്ടും ഒരു നടപടിയും കൈക്കൊള്ളാത്ത സാഹചര്യത്തിലാണ് ജൂൺ 3 മുതൽ അനിശ്ചിതകാലത്തേക്ക് ബസ് സർവ്വീസ് നിർത്തിവെക്കാൻ തീരുമാനിച്ചതെന്നും പ്രൈവറ്റ് ബസ് ഓണേഴ്സ് അസോസിയേഷൻ സംസ്ഥാന കമ്മിറ്റി അംഗം ടി.വി.ബാബു, ബാലുശ്ശേരി ഏരിയ ജോയിൻ്റ് സെക്രട്ടറി സന്ദീപ് കൃഷ്ണ, ട്രഷറർ എ.പി.സുരേഷ് എന്നിവർ അറിയിച്ചു.
