പി. കെ. വാസുദേവൻ നായരുടെ അനുസ്മരണ ദിനം ആചരിച്ചു

കൊയിലാണ്ടി: സി.പി.ഐ 25-ാം പാർട്ടി കോൺഗ്രസ്സിനോടനുബന്ധിച്ച് കോഴിക്കോട് ജില്ലാ സമ്മേളനത്തിന് മുന്നോടിയായി മുൻ മുഖ്യമന്ത്രി പി. കെ. വാസുദേവൻ നായരുടെ അനുസ്മരണ ദിനം ആചരിച്ചു. ജൂലൈ 23, 24, 25 തീയ്യതികളിൽ കല്ലാച്ചിയിൽ വെച്ചാണ് ജില്ലാ സമ്മേളനം നടക്കുന്നത്. പതാക ദിനത്തിന്റെ ഭാഗമായി കൊയിലാണ്ടി മണ്ഡലത്തിന്റെ വിവിധ ബ്രാഞ്ചുകളിൽ പതാക ഉയർത്തി അനുസ്മരണ ദിനം ആചരിച്ചു. മണ്ഡലം കേന്ദ്രത്തിൽ സിക്രട്ടറി എസ്. സുനിൽ മോഹൻ പതാക ഉയർത്തി.