കൊയിലാണ്ടി നഗരസഭ മഴക്കാലപൂർവ്വ ശുചീകരണത്തിന് വിപുലമായ ഒരുക്കങ്ങൾ
![](https://koyilandydiary.com/wp-content/uploads/2024/05/27-19-1024x943.jpg)
കൊയിലാണ്ടി നഗരസഭയിൽ മഴക്കാല രോഗ പ്രതിരോധ പ്രവർത്തനങ്ങൾ ഏകോപിക്കുന്നതിന് സംഘാടക സമിതി രൂപീകരിച്ചു. മെയ് 15 മുതൽ 31 വരെ നഗരസഭയിൽ തീവ്ര ശുചീകരണ പരിപാടികൾ ആസൂത്രണം ചെയ്തു. മെയ്- 18, 19 തിയ്യതികളിൽ 44 വാർഡുകളിലും ചെറു ടൗണുകളും വിപുലമായ രീതിയിൽ സന്നദ്ധ സംഘടനകൾ, യുവജന സംഘടനകൾ, രാഷ്ട്രീയ പാർട്ടികൾ, തൊഴിലുറപ്പ് തൊഴിലാളികൾ, ഹരിത കർമ്മ സേന, എന്നിവരുടെ സഹകരണത്തോടെ ശുചീകരണം നടത്തും.
![](https://koyilandydiary.com/wp-content/uploads/2022/09/SPECIALITY-AD-WIDE.jpg)
- മെയ് 25 ന് വൻ ജനപങ്കാളിത്തത്തോടെ കൊയിലാണ്ടി നഗരം ശുചീകരിക്കും.
- എല്ലാ ഞാറാഴ്ച്ചയും ഡ്രൈ ഡെ ആചരിക്കും.
- നഗരസഭയിലെ മുഴുവൻ കിണറുകളും ക്ലോറിനേഷൻ നടത്തും
- മുഴുവൻ വിദ്യാലയങ്ങളും, ഓഫീസുകളും, വ്യാപാര സ്ഥാപനങ്ങളും ശുചീകരിക്കും.
- മെയ് 31ന് സമ്പൂർണ ശുചിത്വ പ്രഖ്യാപനം നടത്തും.
Advertisements
![](https://koyilandydiary.com/wp-content/uploads/2022/09/shobika-box.jpg)
യോഗം നഗരസഭ ചെയർപേഴ്സൺ സുധ കെ.പി ഉദ്ഘാടനം ചെയ്തു. നഗരസഭ വൈസ് ചെയർമാൻ അഡ്വ: കെ സത്യൻ അദ്ധ്യഷത വഹിച്ചു. സ്റ്റാന്റിങ്ങ് കമ്മിറ്റി ചെയർമാൻമാരായ കെ ഷിജു മാസ്റ്റർ, ഇ കെ അജിത്ത് മാസ്റ്റർ, നിജില പറവകൊടി, കൗൺസിലർ വൈശാഖ് കെ.കെ, താലൂക്ക് ആശുപത്രി സൂപ്രണ്ട് ഡോ. വിനോദ്, മെഡിക്കൽ ഓഫീസർ ഡോ: ഷീബ കെ.ജെ, ഹെൽത്ത് ഇൻസ്പെക്ടർമാരായ പ്രദീപ് മരുതേരി, സി രാജേഷ്, ബിന്ദുകല എന്നിവർ സംസാരിച്ചു. ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ സി പ്രജില സ്വാഗതം പറഞ്ഞു.
![](https://koyilandydiary.com/wp-content/uploads/2022/09/IMG-20240611-WA0019.jpg)
യോഗത്തിൽ കൗൺസിലർമാർ, രാഷ്ട്രീയ പാർട്ടി പ്രതിനിധികൾ, വാർഡ് ശുചിത്വ സമിതി കൺവീനർമാർ, വാർഡ് വികസന സമിതി കൺവീനർമാർ , തൊഴിലുറപ്പ് മേറ്റുമാർ, ഹരിത കർമ്മ സേന പ്രതിനിധികൾ, വ്യാപാരി വ്യവസായി സംഘടന പ്രതിനിധികൾ എന്നിവർ പങ്കെടുത്തു. നഗരസഭ സെക്രട്ടറി ശ്രീമതി ഇന്ദു എസ് ശങ്കരി പ്രവർത്തന പദ്ധതി അവതരിപ്പിച്ചു. നഗരസഭ ക്ലീൻ സിറ്റി മാനേജർ ടി.കെ സതീഷ് കുമാർ നന്ദി പറഞ്ഞു.
![](https://koyilandydiary.com/wp-content/uploads/2022/09/IMG-20240613-WA0139.jpg)