മുചുകുന്ന് കോളജിന് സമീപത്തെ ഗ്രൗണ്ടിനോട് ചേർന്ന് അടിക്കാടിന് തീപിടിച്ചു

കൊയിലാണ്ടി: മുചുകുന്ന് കോളജിന് സമീപത്തെ ഗ്രൗണ്ടിനോട് ചേർന്ന് അടിക്കാടിന് തീപിടിച്ചു. ഇന്നലെ വൈകുന്നേരം 6 മണിയോടെയാണ് തീ പടരുന്നത് നാട്ടുകാരുടെ ശ്രദ്ധയിൽപ്പെട്ടത്. ഉടൻതന്നെ കൊയിലാണ്ടി ഫയർഫോഴ്സിൽ വിവരമറിയിക്കുകയുമായിരുന്നു.

തുടർന്ന് അഗ്നിരക്ഷാ സേനാംഗങ്ങൾ  സ്ഥലത്തെത്തി തീ അണച്ചു.സീനിയർ ഫയർ ആൻ്റ് റെസ്ക്യൂ ഓഫീസർ പി.കെ. ബാബു, ഒഫീസർമാരായ കെ. അരുൺ, പി.കെ ഇർഷാദ്, കെ.ടി. റാഷിദ് തുടങ്ങിയവർ നേതൃത്വം നൽകി.