ഓൺ ലൈൻ വ്യാപാരം നിയന്ത്രണ വിധേയമാക്കണം; വ്യാപാര വ്യവസായി ഏകോപന സമിതി

കൊയിലാണ്ടി: ഓൺ ലൈൻ വ്യാപാരത്തെ ഉപാധികൾ വെച്ചുകൊണ്ട് നിയന്ത്രണം ഏർപ്പെടുത്തണമെന്ന് കേരള വ്യാപാരി വ്യവസായി ഏകോപന സമിതി കൊയിലാണ്ടി യൂണിറ്റ് ദ്വൈവാർഷിക സമ്മേളനം ആവശ്യപ്പെട്ടു. വ്യാപാരികൾക്ക് ലഭ്യമായികൊണ്ടിരിക്കുന്ന ക്ഷേമനിധി പെൻഷൻ തുക കാലാനുസൃതമായ വർദ്ധനവ് ആവശ്യമാണെന്നും, തെരുവ് കച്ചവടക്കാർക്ക് വേണ്ടത്ര പ്രോത്സാഹനം കൊടുക്കാതെ അവർക്ക് നിയന്ത്രണമേർപ്പെടുത്തണമെന്നും, കെ സ്മാർട്ട് വഴി വ്യാപാര സ്ഥാപനങ്ങളുടെ ലൈസൻസ് പുതുക്കാൻ ഈടാക്കുന്ന സർവ്വീസ് ഫീസ് ഒഴിവാക്കണമെന്നും സമ്മേളനം ആവശ്യപ്പെട്ടു.