തീരദേശം ലഹരിമുക്തമാക്കണം

കൊയിലാണ്ടി: ലഹരിയുടെ നീരാളി പിടുത്തത്തിൽ നിന്നും തീരദേശം ഉൾപ്പെടെയുള്ള സമൂഹത്തെ മോചിപ്പിക്കുവാനും പുത്തൻ അത്യാധുനിക ലഹരി വസ്തുക്കളെ തിരിച്ചറിയാനും ദൂഷ്യ വശങ്ങളെ പറ്റി ബോധവാന്മാരായി ശക്തമായ പ്രതിരോധം സൃഷ്ടിക്കാനും പുതുതലമുറ ഉൾപ്പെടെയുള്ള മുഴുവൻ സമൂഹവും മുന്നോട്ട് വരണമെന്ന് വടകര തീരദേശ പോലീസ് സ്റ്റേഷൻ സംഘടിപ്പിച്ച ലഹരി വിരുദ്ധ സെമിനാർ ആവശ്യപ്പെട്ടു. നമ്മുടെ നാടിന്റെ ഭാവി വാഗ്ദാനങ്ങളായ കുട്ടികളെയും യുവജനങ്ങളെയും ആണ് പുത്തൻ ലഹരിവസ്തുക്കൾ അടിമകളാക്കി നാശത്തിന്റെ പടുകുഴികളിലേക്ക് തള്ളിയിട്ട് കൊണ്ട് രാഷ്ട്ര പുരോഗതിക്ക് തടസ്സം നിൽക്കുന്നത്. 

ഇതിനെതിരെ രക്ഷിതാക്കൾ മാത്രമല്ല മുഴുവൻ സമൂഹവും ബോധവാന്മാരാവണമെന്നും തിക്കോടി കോടിക്കൽ ബിച്ച്, കൊയിലാണ്ടി ഹാർബർ എന്നിവടങ്ങളിൽ വച്ച് നടത്തിയ യോഗം ആവശ്യപ്പെട്ടു. ലഹരി വിരുദ്ധ സെമിനാറിൽ വടകര നാർക്കോട്ടിക് സെൽ സബ്ബ് ഇൻസ്പെക്ടർ ടി.വി. സത്യൻ വിഷയാവതരണം നടത്തി. വടകര തീരദേശ പോലീസ് സ്റ്റേഷൻ ഇൻസ്പെക്ർ ദീപു. C.S അദ്ധ്യക്ഷതയിൽ അസി. സബ്ബ് ഇൻസ്പെക്ടർ പ്രശാന്ത് P.V. സ്വാഗതം പറഞ്ഞു. സീനിയർ സിവിൽ പൊലീസ് ഓഫീസർ ദീപക്, ശശി  കയ്യാടത്ത് (റിട്ട. സബ്ബ് ഇൻസ്പെക്ടർ ), ഹാർബർ സുരക്ഷാ സമിതിയംഗം രാജൻ ഉപ്പലക്കണ്ടി എന്നിവർ സംസാരിച്ചു.