ബസ് യാത്രക്കിടെ സ്ത്രീയുടെ ബാഗില്‍ നിന്നും പണം മോഷ്ടിച്ച നാടോടി സ്ത്രീ അറസ്റ്റില്‍
തിരുവനന്തപുരം: ബസ് യാത്രക്കിടെ സ്ത്രീയുടെ ബാഗില്‍ നിന്നും പണം മോഷ്ടിച്ച നാടോടി സ്ത്രീ അറസ്റ്റില്‍. കെ എസ് ആര്‍ ടിസി ബസിലെ യാത്രക്കാരിയായിരുന്ന നാടോടി സ്ത്രീ ലക്ഷ്മി (41)ആണ് അറസ്റ്റിലായത്. കൊട്ടാരക്കര ബസില്‍ നിന്നും വെഞ്ഞാറമൂട്ടിലേക്ക് പോയ കൊല്ലം സ്വദേശി കമലനാളിന്റെ ബാഗില്‍ നിന്നാണ് പണം മോഷ്ടിച്ചത്.
യാത്രക്കിടെ പണം നഷ്ടപ്പെട്ടതറിഞ്ഞ കമലനാള്‍ ബഹളം വച്ചതോടെ ബസ് കണ്ടക്ടര്‍ കിളിമാനൂര്‍ പോലീസില്‍ അറിയിക്കുകയായിരുന്നു. പിന്നീട് ബസ് പോലീസ് സ്റ്റേഷനില്‍ എത്തിച്ച്‌ പ്രതിയെ അറസ്റ്റ് ചെയ്യുകയുമായിരുന്നു.
കെ എസ് ആര്‍ ടി സി ബസ് കേന്ദ്രീകരിച്ച്‌ മോഷണം നടത്തുന്ന സംഘത്തിലുള്ളവരാണ് പ്രതിയെന്ന് പോലീസ് പറഞ്ഞു.
