ആരും നിയമം കയ്യിലെടുക്കേണ്ട, അക്രമം നടത്തുന്നവരോട് ദയ കാണിക്കില്ല: നരേന്ദ്ര മോദി
ന്യൂഡല്‍ഹി: ദേരാ സച്ചാ സൗദ തലവന്‍ ഗുര്‍മീത് രാമിനെതിരായ കോടതി വിധിയുടെ പേരില്‍ ഉത്തരേന്ത്യന്‍ സംസ്ഥാനങ്ങളില്‍ നടന്ന അക്രമങ്ങളെ രൂക്ഷമായി വിമര്‍ശിച്ച്‌ പ്രധാനമന്ത്രി നരേന്ദ്ര മോദി. നിയമം കയ്യിലെടുക്കാന്‍ ആര്‍ക്കും അധികാരമില്ലെന്ന് പ്രധാനമന്ത്രി നരേന്ദ്ര മോദി. ആരും നിയമത്തിണ് അതീതരല്ല. നിയമം കയ്യിലെടുക്കുകയും അക്രമം നടത്തുകയും ചെയ്യുന്നത് ആരായാലും അവരോട് ദയ കാണിക്കില്ല.
മഹാത്മാ ഗാന്ധിയുടെയും ബുദ്ധന്റെയും നാടാണ് ഇന്ത്യ. ഈ നാട്ടില്‍ യാതൊരു വിധത്തിലുള്ള അക്രമങ്ങള്‍ക്കും സ്വീകാര്യത കിട്ടില്ലെന്ന് മോദി പറഞ്ഞു. റേഡിയോ പരിപാടിയായ മന്‍ കി ബാത്തില്‍ സംസാരിക്കുകയായിരുന്നു അദ്ദേഹം. 35-ാമത് മന്‍ കി ബാത് സംപ്രേഷണമായിരുന്നു ഇത്. സെപ്റ്റംബര്‍ 5 ലെ അധ്യാപക ദിനത്തെക്കുറിച്ചും മോദി പരാമര്‍ശിച്ചു. ശാക്തീകരണത്തിനും, ലോകത്തെ നയിക്കാനുമുള്ള മാര്‍ഗ്ഗമാകട്ടെ വിദ്യാഭ്യാസമെന്ന് മോദി പറഞ്ഞു.
