അമൃത് പദ്ധതിക്ക് 28-ന് തുടക്കമാവും
കോഴിക്കോട് : കേന്ദ്ര നഗരവികസന വകുപ്പും സംസ്ഥാന നഗരകാര്യ വകുപ്പും കേരളത്തിലെ 9 നഗരങ്ങളില് നടപ്പാക്കുന്ന അടല് മിഷന് ഫോര് റിജ്യുവനേഷന് & അര്ബര് ട്രാന്സ്ഫോര്മേഷന് (അമൃത്) പദ്ധതിയുടെ സംസ്ഥാനതല ഉദ്ഘാടനം ഡിസംബര് 28-ന് കോഴിക്കോട്ട് മുഖ്യമന്ത്രി ഉമ്മന്ചാണ്ടി നിര്വഹിക്കും. ടൗണ്ഹാളില് വൈകിട്ട് 5 മണിക്ക് നടക്കുന്ന ചടങ്ങില് സംസ്ഥാന നഗരകാര്യവകുപ്പ് മന്ത്രി മഞ്ഞളാംകുഴി അലി അധ്യക്ഷനാകും .തിരുവനന്തപുരം, കൊല്ലം, ആലപ്പുഴ, എറണാകുളം, തൃശ്ശൂര്, ഗുരുവായൂര്, പാലക്കാട്, കോഴിക്കോട്, കണ്ണൂര് എന്നീ നഗരങ്ങളിലാണ് പദ്ധതി നടപ്പാക്കുന്നത്. പദ്ധതിയിലൂടെ അടിസ്ഥാന സൗകര്യങ്ങള് വികസിപ്പിച്ച് നഗരങ്ങളെ കൂടുതല് ജനസൗഹൃദമാക്കുകയാണ് ലക്ഷ്യം.