മരം കടപുഴകി വീണ് K SRTC ബസിന്റെ മുൻവശം തകർന്നു
ബാലുശ്ശേരി: വയലടയിൽ ഇന്നലെ പെയ്ത ശക്തമായ മഴയിലും കാറ്റിലും മരം കടപുഴകി വീണ് കെ.എസ്.ആർ.ടി.സി.ബസിന്റെ മുൻവശം തകർന്നു. ഡ്രൈവറും, കണ്ടക്ടറും, യാത്രക്കാരും പരിക്കേൽക്കാതെ രക്ഷപ്പെട്ടു. വൈകീട്ട് 5.45- ഓടെയാണ് അപകടം. വയലട നിന്ന് ബാലുശ്ശേരി വഴി താമരശ്ശേരിക്കു പോകുന്ന ബസിനുമുകളിൽ തോരാടിനു സമീപത്തുവെച്ചാണ് മരം വീണത്.
വൈകുന്നേരത്തെ മടക്കട്രിപ്പ് ആയതിനാലാണ് യാത്രക്കാർ കുറഞ്ഞത്. മരം ചാഞ്ഞുവരുന്നത് ശ്രദ്ധയിൽപ്പെട്ടതോടെ പെട്ടന്ന് ബ്രേക്ക് ചവിട്ടുകയായിരുന്നുവെന്നും ഡ്രൈവർ വി.പി. രവി പറഞ്ഞു. നാട്ടുകാരെത്തി മരം മുറിച്ചു മാറ്റി നീക്കിയതോടെ ബസ് ബാലുശ്ശേരിവരെ സർവീസ് നടത്തി.
