സമ്മർ ക്രിക്കറ്റ് കോച്ചിംഗ് ക്യാമ്പ് ആരംഭിച്ചു
കൊയിലാണ്ടി: സമ്മർ ക്രിക്കറ്റ് കോച്ചിംഗ് ക്യാമ്പ് ആരംഭിച്ചു. കേരള ക്രിക്കറ്റ് അസോസിയേഷന്റെയും, കോഴിക്കോട് ജില്ലാ ക്രിക്കറ്റ് അസോസിയേഷന്റെയും നേതൃത്വത്തിൽ സമ്മർ ക്രിക്കറ്റ് കോച്ചിംഗ് ക്യാമ്പ് കാവും വട്ടം എം.യു.പി.സ്കൂൾ കളിമുറ്റം സ്പോർട്സ് അക്കാദമി ഗ്രൗണ്ടിൽ ആരംഭിച്ചു. ക്യാമ്പ് ക്രിക്കറ്റ് താരം രോഹൻ എസ്. കുന്നുമ്മൽ ഉദ്ഘാടനം ചെയ്തു. കെ.ഡി. സി.എ. വൈസ് പ്രസിഡണ്ട് ഷിബേഷ് അധ്യക്ഷത വഹിച്ചു.
ഹെഡ് മാസ്റ്റർ കെ.കെ. മനോജ്, പി.ടി.എ.പ്രസിഡണ്ട് ഷംസുദ്ദീൻ കെ.പി, കെ.ഡി.സി.എ. സെക്രട്ടറി സനിൽ ചന്ദ്രൻ, സുശീൽ കുന്നുമ്മൽ, അഭിലാഷ്. ടി.കെ, ജോയ് വിജയൻ, വിഷ്ണു ചൂരലിൽ, എൻ. കെ.അബ്ദുൾ അസീസ, സൂരജ്. ആർ എന്നിവർ സംസാരിച്ചു.
