നാളെ മുതൽ സ്വകാര്യ ബസ്സുകൾ പണിമുടക്കും

കോഴിക്കോട്: ബസുടമ സംയുക്ത സമരസമിതി  നേതൃത്വത്തിൽ 24ന്‌ തുടങ്ങുന്ന  അനിശ്​ചിത കാല പണി മുടക്കിൽ ജില്ലയിലെ മുഴുവൻ സ്വകാര്യ ബസുകളും പങ്കുചേരുമെന്ന്​ ജില്ലാ ബസ് ​ഓണേഴ്​സ്​ സംയുക്ത സമര സമിതി ഭാരവാഹികൾ അറിയിച്ചു. മിനിമം ചാർജ്​ 12 രൂപയാക്കണം. കിലോമീറ്ററിന്‌ 1.10 രൂപയാക്കുക, വിദ്യാർഥികളുടെ ടിക്കറ്റ്​ നിരക്ക്​ ആറുരൂപയും കിലോമീറ്റർ നിരക്ക്​ നിലവിലുള്ളതിന്റെ  50 ശതമാനവും ആക്കുക. കോവിഡ്​ കാലത്തെ റോഡ്​ നികുതി  ​ ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചാണ്​   അനിശ്ചിതകാല സമരം. സംയുക്ത സമരസമിതി ചെയർമാൻ കെ ടി  വാസുദേവൻ, കൺവീനർ കെ രാധാകൃഷ്ണൻ, എം തുളസീദാസൻ, പി വി സുഭാഷ്​ ബാബു എന്നിവർ വാർത്താ സമ്മേളനത്തിൽ പ​ങ്കെടുത്തു.