ഗുരു ചേമഞ്ചേരി കുഞ്ഞിരാമൻ നായരുടെ പൂർണകായ പ്രതിമ സമർപ്പിച്ചു
പയ്യോളി: ഗുരു ചേമഞ്ചേരി കുഞ്ഞിരാമൻ നായരുടെ പൂർണകായ പ്രതിമ സമർപ്പിച്ചു. ചിത്രകാരൻ ഇ. വി ശിവജി അയനിക്കാട് നിർമാണം പൂർത്തീകരിച്ച നാട്യാചാര്യൻ പത്മശ്രീ ഗുരു ചേമഞ്ചേരി കുഞ്ഞിരാമൻ നായരുടെ പൂർണകായ പ്രതിമ, ഗുരുവിന്റെ ശിഷ്യരിൽ ഒരാളും നർത്തകനുമായ ഇ. വി ദാമു നർത്തനയ്ക്ക് സമർപ്പിച്ചു. പ്രതിമ സ്ഥാപന കമ്മിറ്റിക്ക് കൈമാറും. ഗുരു ചേമഞ്ചേരി ഓർമയായിട്ട് ഒരു വർഷം പൂർത്തീകരിക്കുന്ന വേളയിൽ ചേലിയ കഥകളി വിദ്യാലയത്തിൽ സ്ഥാപിക്കുന്നതിനാണ്‌ ഗുരുവിന്റെ ശിഷ്യൻകൂടിയായ ശിവജി അയനിക്കാട് സൗജന്യമായി പൂർണകായ പ്രതിമ നിർമിച്ച് നൽകിയത്.
സിമന്റിലാണ്‌ നിർമാണം പൂർത്തീകരിച്ചത്. മൂന്ന്‌ ക്വിന്റൽ ഭാരമുള്ളതാണ്‌ പ്രതിമ. ശിൽപ്പിയുടെ വീട്ടിൽ നടന്ന ചടങ്ങിൽ ഇ. വി. ദാമു നർത്തന നാട്യാചാര്യന്റെ പ്രതിമയിൽ ഷാൾ അണിയിച്ചു. തുടർന്ന് അയനിക്കാട് വെസ്റ്റ് യുപി സ്കൂളിലെ ആറ്, ഏഴ് ക്ലാസുകളിലെ വിദ്യാർഥികളും നാട്ടുകാരും പുഷ്പാർച്ചന നടത്തി. അനുസ്മരണ പരിപാടി നഗരസഭാംഗം ചെറിയാവി സുരേഷ് ബാബു ടെ പൂർണകായ പ്രതിമ സമർപ്പിച്ചു ഉദ്ഘാടനം ചെയ്തു. വി കേളപ്പൻ അധ്യക്ഷനായി. ശ്രീധരൻ കരുവഞ്ചേരി ഗുരു അനുസ്മരണ ഭാഷണം നടത്തി. എ. ടി മഹേഷ്, എം. പി ഭരതൻ, കെ. പി സുശാന്ത്, പ്രകാശ് പയ്യോളി, പി കെ രൺധീർ എന്നിവർ സംസാരിച്ചു.
