കേരള കോണ്‍ഗ്രസിന്റെ കക്ഷി നേതാവിനെ ചെയര്‍മാന്‍ ജോസ് കെ.മാണിയുടെ സമയമനുസരിച്ച്‌ തീരുമാനിക്കും: റോഷി അഗസ്റ്റിന്‍
തിരുവനന്തപുരം: നിയമസഭയിലെ കേരള കോണ്‍ഗ്രസിന്റെ കക്ഷി നേതാവിനെ ചെയര്‍മാന്‍ ജോസ് കെ.മാണിയുടെ സമയമനുസരിച്ച്‌ തീരുമാനിക്കുമെന്ന് റോഷി അഗസ്റ്റിന്‍ എം.എല്‍.എ. ചെയര്‍മാന്റെ സാന്നിധ്യത്തിലെ പാര്‍ലമന്റെറി പാര്‍ട്ടി യോഗം വിളിക്കാന്‍ സാധിക്കൂ. ചെയര്‍മാന്‍ പങ്കെടുത്തില്ലെങ്കില്‍ പാര്‍ലമന്റെറി പാര്‍ട്ടി യോഗത്തില്‍ എം.എല്‍.എമാര്‍ പങ്കെടുക്കില്ലെന്നും അദ്ദേഹം പറഞ്ഞു.
അതേസമയം, ജോസ്.കെ മാണിയെ ചെയര്‍മാനായി തെരഞ്ഞെടുത്ത സാഹചര്യം ചര്‍ച്ച ചെയ്യാനായി ജോസഫ് വിഭാഗവും ഇന്ന് യോഗം ചേരുന്നുണ്ട്. പാര്‍ട്ടി പിടിക്കാന്‍ നിയമനടപടികളിലേക്ക് നീങ്ങണോയെന്ന കാര്യത്തില്‍ ഇന്ന് നടക്കുന്ന യോഗത്തില്‍ തീരുമാനമുണ്ടായേക്കും.
കഴിഞ്ഞ ദിവസം നടന്ന കേരള കോണ്‍ഗ്രസ് സംസ്ഥാന സമിതി യോഗത്തിലാണ് ജോസ് കെ.മാണിയെ ചെയര്‍മാനായി നിശ്ചയിച്ചത്. എന്നാല്‍, തെരഞ്ഞെടുപ്പ് അംഗീകരിക്കില്ലെന്ന നിലപാടിലാണ് പി.ജെ ജോസഫ്.
