അതിരപ്പള്ളി പദ്ധതിയുമായി സർക്കാർ മുന്നോട്ട് പോകുമെന്ന് മുഖ്യമന്ത്രി

തിരുവനന്തപുരം: അതിരപ്പള്ളി പദ്ധതിയുമായി സർക്കാർ മുന്നോട്ട് പോകുമെന്ന് മുഖ്യമന്ത്രി പിണറായി വിജയൻ. 163 മെഗാവാട്ടിന്‍റെ പദ്ധതിയാണ് ഇതെന്നും പദ്ധതിക്കായുള്ള സ്ഥലമേറ്റെടുപ്പ് ഉൾപ്പെടെയുള്ള കാര്യങ്ങൾ തുടങ്ങിയെന്നും മുഖ്യമന്ത്രി നിയമസഭയെ അറിയിച്ചു.

എൻ.ഷംസുദ്ദീൻ എംഎൽഎയുടെ ചോദ്യത്തിന് രേഖമൂലമാണ് മുഖ്യമന്ത്രി മറുപടി നൽകിയത്. അതിരപ്പള്ളി പദ്ധതി നടപ്പാക്കുന്നതിനെതിരെ പരിസ്ഥിതി പ്രവർത്തകരുടെയുൾപ്പെടെ ശക്തമായ എതിർപ്പ് നിലനിൽക്കുന്നതിനിടെയാണ് പദ്ധതിയുമായി മുന്നോട്ട് പോകാനുള്ള സർക്കാർ തീരുമാനം. മുന്നണിയിലെ രണ്ടാം കക്ഷിയായ സിപിഐയും നേരത്തെ പദ്ധതി നടപ്പാക്കുന്നതിനെതിരെ എതിർപ്പുമായി രംഗത്തെത്തിയിരുന്നു.