ട്രാഫിക് പോലീസ് സ്റ്റേഷൻ റോഡ് പ്രവൃത്തി പൂർത്തീകരിക്കാത്തതിൽ പ്രതിഷേധിച്ചു
ഹാർബർ എൻജിനീയറിങ് ഓഫീസ് ഉപരോധിച്ചു. കൊയിലാണ്ടി ട്രാഫിക് പോലീസ് സ്റ്റേഷൻ റോഡ് പുനരുദ്ധാരണ പ്രവർത്തനം നീളുന്നതിനെതിരെ വാർഡ് കൗൺസിലറുടെ നേതൃത്വത്തിൽ ഹാർബർ എൻജിനീയറിങ് ഓഫീസ് ഉപരോധിച്ചു. 34.5 ലക്ഷം രൂപ ചെലവഴിച്ച് 560 മീറ്റർ നീളത്തിലാണ് പുനരുദ്ധാരണ പ്രവർത്തനം നടക്കേണ്ടത്. പലവിധ കാരണങ്ങൾ പറഞ്ഞുകൊണ്ട് ഹാർബർ എൻജിനീയർ വിഭാഗം പ്രവർത്തി നീട്ടി കൊണ്ടുപോവുകയായിരുന്നു.
വീടുകൾ ഷോപ്പുകൾ, കൊയിലാണ്ടി താലൂക്ക് ആശുപത്രി, ട്രാഫിക് പോലീസ് സ്റ്റേഷൻ, വില്ലേജ് ഓഫീസ്, തണൽ ഡയാലിസിസ് സെന്റർ, ലാബുകൾ, ഫാർമസികൾ, സാംസ്കാരിക നിലയം, കണ്ണൂർ സർവോദയ സംഘം, ഖൽഫാൻ, ഐസിഎസ് സ്കൂളുകൾ, പള്ളികൾ അമ്പലങ്ങൾ ഉൾപ്പെടെ ധാരാളം സ്ഥാപനങ്ങൾ ആണ് ഈ റോഡിന് ഇരുവശവും നിലകൊള്ളുന്നത്.
ഹാർബറിലേയും ടൗൺ വാർഡിലെയും പ്രധാനപ്പെട്ട റോഡ് എന്ന നിലയിൽ ബീച്ച് റോഡിന്റെ പ്രാധാന്യം വലുതാണ്. റോഡിൽ പൊടിപടലം കാരണം ശ്വാസകോശ രോഗം ഉൾപ്പെടെ പലതരത്തിലുള്ള ശാരീരികമായ ബുദ്ധിമുട്ടുകളും അനുഭവപ്പെടുകയാണ്. ഓട്ടോറിക്ഷ ഉൾപ്പെടെയുള്ള വാഹനങ്ങൾ റോഡിന്റെ തകർന്നതു കാരണം ഓടിക്കാൻ പറ്റാത്ത അവസ്ഥയിലുമാണ്. ഏഴു മാസത്തിലധികമായി പ്രവർത്തി തുടങ്ങിയിട്ട്.
2023 മെയ് 11നാണ് പ്രവർത്തി ഉദ്ഘാടനം നടത്തിയത്. എന്ന് പണി പൂർത്തീകരിക്കും എന്നറിയാതെ ഹാർബർ എൻജിനീയറിങ് വിഭാഗം ഇരുട്ടിൽ തപ്പുകയാണ്. 29. 11. 2023 പ്രവർത്തി പുനരാരംഭിക്കുമെന്ന് എഴുതി വാങ്ങിയതിനു ശേഷമാണ് ഉപരോധം അവസാനിപ്പിച്ചത്. വാർഡ് കൗൺസിലർ എ അസീസ്, പി പി യൂസഫ്, ബഷീർ അമേത്ത് മുഹമ്മദ്, ഹാരിസ് ലൈഫ് ലൈൻ, റഫീഖ് ആർ എം, അബ്ദുള്ള കെ വി, ഹാഷിം ബർഗൈവ, റഫീഖ് ബക്കാല, യൂസഫ്. കെ
എന്നിവർ പങ്കെടുത്തു.
