യോഗാപരിശീലനം ആരംഭിച്ചു
കൊയിലാണ്ടി: യോഗാപരിശീലനം ആരംഭിച്ചു. പന്തലായനി ബി.ആർ.സിയും ചെങ്ങോട്ടുകാവ് ആയുർവേദ ഡിസ്പൻസറിയും സംയുക്തമായി നടത്തുന്ന കുട്ടികൾക്കായുള്ള യോഗാപരിശീലനം ചേലിയ യു.പി. സ്കൂളിൽ ഗ്രാമപഞ്ചായത്ത് പ്രസിഡണ്ട് ഷീബ മലയിൽ ഉദ്ഘാടനം ചെയ്തു. ആരോഗ്യ വിദ്യാഭ്യാസ ചെയർപേഴ്സൺ ബിന്ദു മുതിരക്കണ്ടത്തിൽ അധ്യക്ഷത വഹിച്ചു.
വാർഡ് മെമ്പർ അബ്ദുൾ ഷുക്കൂർ, ട്രെയിനർ വികാസ്, ഡോ. അഞ്ജന, സജേഷ് മലയിൽ (PTA പ്രസിഡണ്ട്), ഹെഡ്മിസ്ട്രസ് ദിവ്യ, യോഗ ഇൻസ്ട്രക്റ്റർ അഭിജിത്ത് എന്നിവർ സംസാരിച്ചു. ശ്രീരേഖ നന്ദി പറഞ്ഞു. സ്കൂളിലെ 40 കുട്ടികൾക്കാണ് യോഗ പരിശീലനം നൽകുന്നത്.
