ഹെവി വാഹനങ്ങൾക്ക്‌ ഫിറ്റ്‌നെസ്‌ എടുക്കാൻ സീറ്റ് ബെൽറ്റും ക്യാമറയും നിർബന്ധം
തിരുവനന്തപുരം: ഹെവി വാഹനങ്ങൾക്ക്‌ ഫിറ്റ്‌നെസ്‌ എടുക്കാൻ സീറ്റ് ബെൽറ്റും ക്യാമറയും നിർബന്ധമാക്കി. സീറ്റ് ബെൽറ്റും ക്യാമറകളും ഘടിപ്പിച്ച ഹെവി വാഹനങ്ങൾക്ക്‌ മാത്രമേ ബുധനാഴ്‌ച മുതൽ മോട്ടോർ വാഹന വകുപ്പ്‌ ഫിറ്റ്‌നെസ്‌ സർട്ടിഫിക്കറ്റ് നൽകൂ. സ്റ്റേജ് കാരിയേജ് ഉൾപ്പെടെയുള്ള എല്ലാ ഹെവി വാഹനങ്ങളുടെ ഡ്രൈവർക്കും ഡ്രൈവറുടെ നിരയിലെ മുൻ സീറ്റിൽ യാത്ര ചെയ്യുന്നയാൾക്കും സീറ്റ് ബെൽറ്റും സ്റ്റേജ് കാരിയേജുകൾക്കുള്ളിലും പുറത്തും ക്യാമറകൾ ഘടിപ്പിക്കണമെന്ന ഉത്തരവും ബുധനാഴ്‌ച പ്രാബല്യത്തിൽ വരും.
