തിരുവോട് സിറ്റി സംഘത്തിന്റെ കുടുംബ സംഗമം സംഘടിപ്പിച്ചു
കൊയിലാണ്ടി: തിരുവോട് സിറ്റി സംഘത്തിന്റെ കുടുംബ സംഗമം സംഘടിപ്പിച്ചു. വളവിൽ ഹമീദിന്റെ വീട്ടിൽ വെച്ച് നടന്ന പരിപാടി വാർഡ് മെമ്പർ അരവിന്ദൻ ഉദ്ഘാടനം ചെയ്തു. കുറുങ്ങോട്ട് കുഞ്ഞായൻ കുട്ടി മാഷ് അധ്യക്ഷത വഹിച്ചു. മേപ്പുതുകുടി ഇസ്മായിൽ മാഷ്, മജീദ് വടക്കേ വളവിൽ, ബീന എടോത്ത്, സുരേന്ദ്രൻ മാസ്റ്റർ അമ്പാടി, ദേവി ടീച്ചർ അമ്പാടി എന്നിവർ ആശംസകൾ നേർന്നു.
വളവിൽ ഫാത്തിമ ഉമ്മ, വളവിൽ അമ്മദ് ഹാജി, കൊമ്പിലാട്ട് രാഘവൻ നായർ എന്നിവരെ എടോത്ത് രാജൻ, ഉണ്ണി നായർ കോട്ടെങ്കണ്ടി, അമ്പാടി സുരേന്ദ്രൻ മാസ്റ്റർ എന്നിവർ ആദരിച്ചു. സംഘ അംഗങ്ങളും കുടുംബ അംഗങ്ങളും അടക്കം നൂറോളം പേർ പങ്കെടുത്ത പരിപാടിയിൽ വിവിധ കലാ കായിക വിനോദ പരിപാടികളും നടന്നു. ഹമീദ് വളവിൽ സ്വാഗതവും കോയ തെക്കേ കുനി നന്ദിയും പറഞ്ഞു.
