നവകേരള സദസ്സ്: കൊയിലാണ്ടിയിൽ ചിത്രകാരന്മാരുടെ കൂട്ടായ്മ ”കൂട്ട വര” സംഘടിപ്പിച്ചു
നവകേരള സദസ്സ്: കൊയിലാണ്ടിയിൽ ”കൂട്ട വര” സംഘടിപ്പിച്ചു. നവകേരള സദസ്സിന്റെ പ്രചരണാര്‍ത്ഥമാണ് സംഘാടകസമിതിയുടെ നേതൃത്വത്തില്‍ കൊയിലാണ്ടി ടൗണില്‍ ചിത്രകാരന്മാരുടെ കൂട്ടായ്മ “കൂട്ട വര” സംഘടിപ്പിച്ചത്. കൊയിലാണ്ടി ബസ് സ്റ്റാൻ്റിൽ നടന്ന പരിപാടി കാനത്തില്‍ ജമീല എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍പേഴ്സണ്‍ സുധ കിഴക്കേപ്പാട് അധ്യക്ഷത വഹിച്ചു.
മണ്ഡലത്തിലെ ചിത്രകാരന്മാര്‍ പങ്കെടുത്ത പരിപാടിയില്‍ മുന്‍ എം.എല്‍.എ മാരായ പി. വിശ്വന്‍, കെ. ദാസന്‍, പന്തലായനി ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ്, എന്‍.എം.ഡി.സി ചെയര്‍മാന്‍ കെ.കെ മുഹമ്മദ്, സംഘാടക സമിതിയംഗങ്ങളായ ടി.കെ ചന്ദ്രന്‍ മാസ്റ്റര്‍, പി.വി സത്യനാഥന്‍ എന്നിവര്‍ പങ്കെടുത്തു. കെ. ഷിജു സ്വാഗതം പറഞ്ഞു.
